ایس دا حصہ: کیسر کیاری · ۵۲ وچوں ۱۱۵› ۵۱پوری لکھت وچ پڑھو۵۳ ‹نظمذرا کھلو جادھنی رام چاترک · ۱۸۷۶ – ۱۹۵۴لفظاں دے معنیا−ا+نقل کروچھاپوسانجھا کروبند ۱لٹ لٹ کردے عرشی تارے !ذرا کھلو جا، ذرا کھلو جا ۔بھلدیاں نوں راہ پاون ہارے !ذرا کھلو جا، ذرا کھلو جا ۔بند ۲نہ کر کاہل، اکل دے ساتھی !نال تیرے جی پرچ رہا سی،رات نکل گئی، پل ہن باقی،لگی کھڑی ہے ناؤ کنارے،ذرا کھلو جا، ذرا کھلو جا ۔بند ۳تریل چھما چھم برس چکی ہے،بنرائی نھا دھو بیٹھی ہے،جاگ کلی نوں اون لگی ہے،کھا کھا سیتل پون ہلارے،ذرا کھلو جا، ذرا کھلو جا ۔بند ۴بھر کے نیند سوں چکا پنچھی،واٹ تک رہا ہے اوشا دی،کرن لگا ہے شروع ہنے ہی،شکرانے دے گیت پیارے،ذرا کھلو جا، ذرا کھلو جا ۔بند ۵اچٹ گئی نینی بالاں دی،ٹول رہے ہن چھاتی ماں دی،سن سن کے ٹھنکار ایہناں دی،اسلوٹ لیندے ہن سارے،ذرا کھلو جا، ذرا کھلو جا ۔بند ۶ڈول کھوہاں تے کھڑک پئے نیں،ہالی گھر توں نکل رہے نیں،جوت پجاری بال چکے نیں،ملاں پیا مسیت بہارے،ذرا کھلو جا، ذرا کھلو جا ۔بند ۷رات پوشاک وٹان لگی ہے،دن نوں گلے لگان لگی ہے،قدرت راس رچان لگی ہے،ویکھ کے تریں تماشے سارے،ذرا کھلو جا، ذرا کھلو جا ۔کسے لفظ تے کرسر لے جاؤ یا دباؤ تے اوہدے معنی ویکھو۔معنی ویکھولفظ دے معنیحوالہ: لغت وچ ویکھواصل اندراج ویکھو ←ایہو لفظ ایس وچ وی: سمپادکی معنی، حالے جانچے نہیں گئے۔حوالہماخذ (انگریزی وچ)جانچشاہ مکھی متن پنجابی کویتا ویب سائٹ توں اے، جیہڑا بھائی ویر سنگھ دے گورمکھی متن دا لپیانتر اے۔ حالے کسے چھپی کتاب نال ملایا نہیں گیا۔ایسے شاعر دا ہور کلامآ سجنیآ گیاآپ دی یادآدرشوادآزادیآزادی