سلطان باہو · بیت

ابیات سلطان باہو

سلطان باہو · لگ بھگ ۱۶۳۰ – ۱۶۹۱ · مجموعہ · ۲۱۲ حصے

پڑھنا شروع کروحوالہ تے نوٹ

۱

الف اللہ چنبے دی بُوٹی مُرشد من وِچ لائی ہُونفی اثبات دا پانی مِلیُس ہر رگے ہر جائی ہُو

اندر بُوٹی مُشک مچایا جاں پُھلّاں تے آئی ہُوجِیوے مُرشد کامِل باہُو جیں ایہ بُوٹی لائی ہُو

۲

الف-الا چمبے دی بوٹی،مرشد من وچ لاندا ہو ۔جس گت اتے سوہنا راضی،اوہو گت سکھاندا ہو ۔ہر دم یاد رکھیں ہر ویلے،سوہنا اٹھدا بانہدا ہو ۔آپے سمجھ سمجھیندا باہو،اوہ آپ آپے بن جاندا ہو ۔

۳

الف-الا پڑھیوں پڑھ حافظ ہوئیوں،ن گیا ہجابنو پردہ ہو ۔پڑھ پڑھ عالم فاضل ہوئیوں،اجے بھی طالب زر دا ہو ۔لکھ ہزار کتاباں پڑھیاں،پر ظالم نفس نہ مردا ہو ۔باجھ فقیراں کسے نہ ماریا،باہو ایہو چور اندر دا ہو ۔

۴

الف-عہد دتی جاں آن وکھالی،از خود ہویا فانی ہو ۔قرب وصال مقام نہ منزل،اوتھے جسم نہ جانی ہو ۔نہ اوتھے عشقَ محبت کائی،نہ اوتھے کون-مکانی ہو ۔اینو این تھیؤسے باہو،صد وحدت سبحانی ہو ۔

۵

ازل ابد نُوں صحی کیتوسے ویکھ تماشے گزرے ہُوچوداں طبق دِلے دے اندر آتش لائیے حُجرے ہُوجنہاں حق نہ حاصل کیتا دوہیں جہانِیں اُجڑے ہُوعاشق غرق ہوئے وِچ وحدت ویکھ تنہاں دے مُجرے ہُو

۶

اندر ہُو تے باہر ہُو وت باہو کِتھ لبھیندا ہُوہُو دا داغ محبت والا ہر دم پیا سڑیندا ہُو

جِتھے ہُو کرے رُشنائی چھوڑ اندھیرا ویندا ہُودوئیں جہان غُلام اُس باہو جو ہُو صحی کریندا ہُو

۷

الف-الست سنیا دل میرے،جند بلا کوکیندی ہو ۔ہب وطن دی غالب ہوئی،ہکّ پل سون ن دیندی ہو ۔قہر پوے ایہہ رہزن دنیاں،حق دا راہ مریندی ہو ۔عاشق مول قبول ن باہو،زارو زار روویندی ہو ۔

۸

الف-اندر بھی ہو باہر بھی ہو،باہو کتھاں لبھیوے ہو ۔سے ریازتاں کر کراہاں،خون جگر دا پیوے ہو ۔لکھ ہزار کتاباں پڑھ کے،دانشمند سدیوے ہو ۔نام فقیر تہیں دا باہو،قبر جنہاں دی جیوے ہو ۔

۹

الف-ادھی لعنت دنیاں تائیں،ساری دنیاں داراں ہو ۔جے راہ صاحب دے خرچ نہ کیتی،پین غضب دیاں ماراں ہو ۔پیوآں کولوں پتّ کہاوے،بھٹھ دنیاں مکاراں ہو ۔جنہاں چھوڑی دنیاں باہو،لیسن باغ بہاراں ہو ۔

۱۰

الف-اہف دنیاں زن حیض پلیتی،ہرگز پاک ن تھیوے ہو ۔جے فقر گھر دنیاں ہووے،لعنت تس دے جیوے ہو ۔حب دنیاوی ربّ تھیں موڑے،ویلے فقر کچیوے ہو ۔ایہہ دنیاں نوں تنّ طلاقاں،جے باہو سچ پچھیوے ہو ۔

۱۱

الف-اہف دنیاں زن حیض پلیتی،کیتی مل مل دھوندے ہو ۔دنیاں کارن عالم فاضل،گوشے بہہ بہہ روندے ہو ۔دنیاں کارن خلقت ساری،ہک پل سکھ ن سوندے ہو ۔جنہاں چھڈی دنیاں باہو،اوہ کندھی چڑھ کھلوندے ہو ۔

۱۲

الف-ایمان سلامت ہر کوئی منگے،عشقَ سلامت کوئی ہو ۔جس منزل نوں عشقَ پچاوے ،ایمانے خبر ن کوئی ہو ۔منگن ایمان شرماون عشقوں،دل نوں غیرت ہوئی ہو ۔عشقَ سلامت رکھیں باہو،دیاں ایمان دھروئی ہو ۔

۱۳

الف-اندر وچ نماز اساڈی،ہکسے جا نتیوے ہو ۔نال قیام رکوء سجودے،کر تکرار پڑھیوے ہو ۔ایہہ دل حضر فراقوں سڑدا،ایہہ دم مرے ن جیوے ہو ۔سچا راہ محمد والا باہو،جیں وچ ربّ لبھیوے ہو ۔

۱۴

ایہہ تَن میرا چشماں ہووے مُرشد ویکھ نہ رجّاں ہُولُوں لُوں دے مُڈھ لکھ لکھ چشماں ہِک کھولاں ہِک کجّاں ہُوایتناں ڈِٹھیاں صبر نہ آوے ہور کِتے ول بھجّاں ہُومُرشد دا دیدار ہے مینوں لکھ کروڑاں حجّاں ہُو

۱۵

الف-الا صحیح کیتوسُ،جد چمکیا عشقَ اگوہاں ہو ۔رات دہاں دے تاء تکھیرے،نت کرے اگوہاں سوہاں ہو ۔اندر بھاہیں اندر بالن،اندر دے وچ دھوآں ہو ۔باہو شاہرگ تھیں رب نیڑے لدھا،جدوں عشقَ کیتا سی سونہاں ہو ۔

۱۶

علف-اکھیں سرخ منہ پر زردی،ہر ولوں دل آہیں ہو ۔مہاں مہاڑ خشبوئی والا،پہنتا ونج کداہیں ہو ۔عشقَ مشک نہ چھپے رہندے،ظاہر تھین اتھاہیں ہو ۔نام فقیر تنھاں دا باہو،جنہاں لامکانی جاہیں ہو ۔

۱۷

الف-اندر قلماں کلکل کردا،عشقَ سکھایا قلماں ہو ۔چوداں طبق کلمے دے اندر،چھڈّ کتاباں علماں ہو ۔کانے کپ کپ قلم بناون،لکھ نہ سکن قلماں ہو ۔باہو کلمہ مینوں پیر پڑھایا،ذرا نہ رہیاں الماں ہو ۔

۱۸

الف-اکف دم سجن تے لکھ دم ویری،اک دم دے مارے مردے ہو ۔اک دم پچھے جنم گوایا،چور بنے گھر گھر دے ہو ۔لائیاں دی اوہ قدر کی جانن،جیہڑے مہرم ناہیں سر دے ہو ۔سو کیوں دھکے کھاون باہو،جیہڑے طالب سچے در دے ہو ۔

۱۹

الف-اہف تن ربّ سچے دا حجرہ،کھڑیاں باغ بہاراں ہو ۔وچے کوجے وچے مصلے،وچے سجدے دیاں ہزاراں ہو ۔وچے کعبہ وچے قبلہ،وچے ال للا پکاراں ہو ۔کامل مرشد ملیا باہو،اوہ آپے لیسی ساراں ہو ۔

۲۰

ایہہ تن ربّ سچے دا حُجرہ پا فقیرا جھاتی ہُونہ کر مِنّت خواج خضر دی اندر آب حَیاتی ہُو

شوق دا دیوا بال اَنھیرے لبّھی وَست کھڑاتی ہُومَرن تھیں اگے مر رہے باہُوجنہاں رَمز پَچھاتی ہُو

۲۱

الف-اوجھڑ جھل تے مارو بیلے،جتھے جالن آئی ہو ۔جس کندھی نوں ڈھاہ ہمیشہ،اج ڈھٹھی کلھ ڈھائی ہو ۔نیں جنہاں دی وہے سرھاندی،اوہ سکھ ن سوندے راہی ہو ۔ریت پانی جتھے ہون اکٹھے باہو،اتھے بنی ن بجھدی کائی ہو ۔

۲۲

الف-آپف ن طالب ہین کہیں دے،لوکاں طالب کردے ہو ۔چاون کھیپاں کردے سیپاں،ن ربّ دے قہروں ڈردے ہو ۔عشقَ مجازی تلکن بازی،پیر اولے دھردے ہو ۔اوہ شرمندے ہوسن باہو،اندر روز حشر دے ہو ۔

۲۳

الف-اوہو نفس اساڈا بیلی،جو نال اساڈے سدھا ہو ۔جو کوئی اس دی کرے سواری،اس نام اﷲ دا لدھا ہو ۔ایہہ زاہد عابد چا نوائے،جتھے ٹکڑا ویکھے تھندھا ہو ۔راہ فقر دا مشکل باہو،گھر ماں نہ سیرا ردھا ہو ۔

۲۴

این-علمِ باجھوں فقر کماوے،کافر مرے دیوانہ ہو ۔سے ورھیاں دی کرے عبادت،اﷲ تھیں بیگانہ ہو ۔غفلت تھیں ن کھلسن پڑدے،دل جاہل بتکھانا ہو ۔میں قربان تنھاں توں باہو،جنہاں ملیا یار یگانہ ہو ۔

۲۵

این-عاشق ہوویں تے عشقَ کماویں،دل رکھیں وانگ پہاڑاں ہو ۔لکھ لکھ طعنے جھلیں سر تے،تے لیویں باغ بہاراں ہو ۔منصور جیہے چا سولی دتے،جیڑھے واقف کلّ اسراراں ہو ۔سجدوں سر نہ چائے باہو،توڑے کافر کہن ہزاراں ہو ۔

۲۶

این-عاشق راز ماہی دے کولوں،کدی نہ تھیندے واندے ہو ۔نیند حرام تنھاں تے جہڑے،ذاتی اسم پکاندے ہو ۔ہک پل مول آرام نہ آوے،دن رات پھرن کرلاندے ہو ۔جنہاں الف صحیح کر پڑھیا باہو،واہ نصیب تنھاں دے ہو ۔

۲۷

این-عاشق راز ماہی دے کولوں،پھرن ہمیشہ کھیوے ہو ۔جنہاں جیندے جان ماہی نوں ڈتی،دوہیں جہانی جیوے ہو ۔شمع چراگ جنہاں دل روشن،سو کیوں بالن دیوے ہو ۔عقل فکر دی پہنچ نہ باہو،اوتھے فانی فہم کچیوے ہو ۔

۲۸

این-عاشق سوئی حقیقی جہڑے،قتل معشوق دے منے ہو ۔عشقَ ن چھوڑے مکھ ن موڑے،توڑے تلواراں کھنے ہو ۔جت ول ویکھے راز ماہی دا،جاوے اوسے بنے ہو ۔سچا عشقَ حسین دا باہو،سر دیوے راز ن بھنے ہو ۔

۲۹

این-عاشقاں دل موم برابر،معشوقاں دل کاہلی ہو ۔تئما دیکھے تر تر تکے،جیوں بازاں دے چالی ہو ۔باز وچارا کیوں کر اڈے،پیریں پئیوسُ دوالی ہو ۔جیں دل عشقَ ن ہووے باہو،گئے جہانوں خالی ہو ۔

۳۰

این-عشقَ دی بھاہ ہڈاں دا بالن،عاشق بہہ سکیندے ہو ۔گھتّ کے جان جگر وچ آرا،ویکھ کباب تلیندے ہو ۔سرگرداں پھرن ہر ویلے،خون جگر دا پیندے ہو ۔ہوئے ہزاراں عاشق باہو،عشقَ نصیب کہیندے ہو ۔

۳۱

این-عشقَ دی بازی ہر جا کھیڈی،شاہ گدا سلطانہ ہو ۔عالم فاضل عاقل دانا،کردا چا حیرانا ہو ۔تنبو ٹھوک بیٹھا وچ دل دے،لائیوسُ کھلوت-خانا ہو ۔عشقَ فقیر منیندے باہو،مانے کون بیگانہ ہو ۔

۳۲

این-عشقَ حقیقی پایا،مونہوں ن کجھ الاون ہو ۔دم دم دے وچ آکھن مولٰی،دل نوں قید لگاون ہو ۔سروری قادری حنفی اکھپھی،سری ذکر کماون ہو ۔میں قربان تنھاں توں باہو،جو ہک نگاہ وچ آون ہو ۔

۳۳

این-عشقَ محبت دریا دے وچ،تھی مردانہ تریئے ہو ۔جتھے پون غضب دیاں لہراں،قدم اتھائیں دھریئے ہو ۔اوجھڑ جھنگ بلائیں بیلے،ویکھ ویکھ نہ ڈریئے ہو ۔نام فقیر تد تھیندا باہو،جے وچ طلب دے مریئے ہو ۔

۳۴

این-عاشقاں ہک وضو جو کیتا،روز قیامت تائیں ہو ۔وچ نماز، رکوء سجودے،رہندے سنجھ سباہیں ہو ۔ایتھے اوتھے دوہیں جہانیں،سبھ فقر دیاں جائیں ہو ۔عرشاں توں سے منزل اگے باہو،ونج پیا کم تناہیں ہو ۔

۳۵

این-عشقَ ماہی دے لائیاں اگیں،لگیاں کون بجھاوے ہو ۔میں کی جانا ذات عشقَ دی،جو در در جا جھکاوے ہو ۔نہ خود سوویں نہ سوون دیوے،ستیاں آن جگاوے ہو ۔میں قربان تنھاں دے باہو،جہڑا وچھڑے یار ملاوے ہو ۔

۳۶

این-عشقَ دی گلّ اولی،جہڑی شرا تھیں دور ہٹاوے ہو ۔قاضی چھوڑ کزائی جاون،جنہاں عشقَ تماچا لاوے ہو ۔لوک ایانے متیں دیون،عاشقاں متّ نہ بھاوے ہو ۔مڑن محال تنھاں نوں باہو،جنہاں صاحب آپ بلاوے ہو ۔

۳۷

این-عشقَ شہہ دے دل کھڑایا،آپ بھی نالے کھڑیا ہو ۔کھڑیا کھڑیا ولیا ناہیں،سنگ محبوباں رلیا ہو ۔عقل فکر دیاں سبھ بھلّ گئیاں،عشقے نال جاں ملیا ہو ۔میں قربان تنھاں تھوں باہو،جنہاں عشقَ جوانی چڑھیا ہو ۔

۳۸

این-عشقَ اساں نوں لسیاں جاتا،لتھا ملّ مہاڑی ہو ۔نہ سوویں نہ سوون دیوے،جیویں بال رہاڑی ہو ۔پوہ ماگھیں منگے خربوزے،میں کتھوں لیساں واڑی ہو ۔عقل فکر دیاں سبھ بھل گئیاں باہو،جد عشقَ وجائی تاڑی ہو ۔

۳۹

این-عشقَ اساں نوں لسیاں جاتا،کر کر آوے دھائی ہو ۔جت ول ویکھاں عشقَ دسیوے،خالی جا نہ کائی ہو ۔مرشد کامل ایسا ملیا،جس دل دی طاقی لاہی ہو ۔میں قربان مرشد توں باہو،جس دسیا بھیت الٰہی ہو ۔

۴۰

این-عشقَ اساں نوں لسیاں جاتا،بیٹھا مار پتھلا ہو ۔وچ جگر دے سنھ لائسُ،کیتسُ کم اولاّ ہو ۔جاں اندر وڑ جھاتی پائیسُ،ڈٹھا یار اکلا ہو ۔باجھوں مرشد کامل باہو،ہوندی نہیں تسلا ہو ۔

۴۱

این-عقل فکر دی جا نہ کائی،جتھے وحدت سر سبحانی ہو ۔نہ اوتھے ملاں پنڈت جوشی،نہ اوتھے علم قرآنی ہو ۔جد احمد عہد وکھالی دتی،تاں کل ہووے فانی ہو ۔علم تمام کیتو نے حاصل باہو،کتاباں نپّ اسمانی ہو ۔

۴۲

این-عشقَ چلایا ول اسماناں،فرشوں عرش دکھایا ہو ۔رہُ نی دنیاں ٹھگّ نہ سانوں،ساڈا اگے جی گھبرایا ہو ۔اسیں مسافر وطن دراڈا،ایویں کوڑا لالچ لایا ہو ۔باہو مر گئے جو مرنے تھیں پہلے،تنھاں ربّ نوں پایا ہو ۔

۴۳

این-عشقَ جنہاں دی ہڈیں رچیا،رہن اوہ چپ چپاتے ہو ۔لوں لوں دے وچ لکھ زباناں،کرن اوہ گونگی باتیں ہو ۔کردے وضو اسم اعظم دا،جہڑے دریا وحدت نھاتے ہو ۔تد تھین قبول نمازاں باہو،جد یاراں یار پچھاتے ہو ۔

۴۴

این-عاشق نیک صلاحیں لگدے،کیوں اجاڑدے گھر نوں ہو ۔بال مواتا برہں والا،ن لاندے جان جگر نوں ہو ۔جان جہاں سبھ بھل گیئو نے،لٹی ہوش صبر نوں ہو ۔میں قربان تنھاں توں باہو،جنہاں خون دتا دلبر نوں ہو ۔

۴۵

این-عشقَ سمندر چڑھ گیا فلکیں،کت ول جہاز گھتیوے ہو ۔عقل فکر دے ڈولے نوں چا،پہلے پور بوڈیوے ہو ۔کڑکن کپر پون لہریں،جداں وحدت وچ وڑیوے ہو ۔جس مرنے تھیں خلقت ڈردی باہو،عاشق مر کے جیوے ہو ۔

۴۶

این-عشقَ موذن دتیاں بانگاں،کنیں بلیل پئیؤسی ہو ۔خون جگر دا کڈھ کراہاں،کر وضو صاف کیتوسی ہو ۔سن تکبیر پھنھا پھلا دی،مڑن محال تھیؤسی ہو ۔پڑھ تکبیر تھیؤسی واصل باہو،تاہیں شکر کیتوسی ہو ۔

۴۷

این-عاشق پڑھن نماز پرم دی،جیں وچ حرف ن کوئی ہو ۔جیہا کیہا نیت ن سکے،اوتھے دردمنداں دل ڈھوئی ہو ۔اکھیں نیر تے خون جگر دا،وضو پاک کیتوئی ہو ۔جیبھ تے ہوٹھ ن ہلن باہو،خاص نمازی سوئی ہو ۔

۴۸

بے-باہو باغ بہاراں کھڑیاں،نرگس ناز شرم دا ہو ۔دل وچ کعبہ صحیح کیتوسُ،پاکو پاک حرم دا ہو ۔طالب طلب تواف تمامی،ہب حضور حرم دا ہو،گیا ہجاب تمامی باہو،بکھسیوسُ راہ کرم دا ہو ۔

۴۹

ب بغداد دی کیا نشانی اُچِّیاں لمِّیاں چِیراں ہُوتَن مَن میرا پُرزے پُرزے جیوں درزی دیاں چیراں ہُولِیراں دی گل کفنی پاکے رَلساں سنگ فقیراں ہُوبغداد دے ٹکڑے منگساں باہُو کرساں مِیراں مِیراں ہُو

۵۰

ب ت پڑھ کے فاضل ہوئے الف نہ پڑھیا کِسّے ہُوجَیں پڑھیا تیں شوہ نوں لَدّھا جاں پڑھیا کُجھ تِسّے ہُوچوداں طبق کرن رُشنائی اَنّھیاں کجھ نہ دِسّے ہُوباجھ وصال اللّہ دے باہُو سب کہانیاں قصّے ہُو

۵۱

بے-بیئدباں ن سار ادب دی،نال غیراں دے سانجھے ہو ۔جہڑے ہون مٹی دے بھانڈے،کدی ن تھیون کانجے ہو ۔جہڑے مڈھ قدیم دے کھیڑے،کدی ن ہوندے رانجھے ہو ۔جیں حضور ن منگیا باہو،دوہیں جہانی وانجھے ہو ۔

۵۲

بے-بزرگی نوں وہن لڑائیے،کریئے رجّ مکالا ہو ۔لا الاّ گل گہنہ مڑھیا،مذہب کیہ لگدا سالا ہو ۔الّ اﷲ گھر میرے آیا،آن لہایا پالا ہو،اساں پیالہ کھزروں پیتا باہو،آب-حیاتی والا ہو ۔

۵۳

ب بِسم اللّہ اِسم اللّہ دا ایہہ بھی گہنا بھارا ہُونال شفاعت سرور عالمﷺ چُھٹسی عالم سارا ہُو

حدوں بے حد درود نبی ﷺ نوں جیدا اَیڈ پَسارا ہُوقُربان تِنہّاں توں باہُو جِنّہاں مِلیا نبی ﷺ سہارا ہُو

۵۴

بے-بنھ چلایا طرف زمیں دے،عرشوں فرش ٹکایا ہو ۔گھر تھیں ملیا دیش نکالا،لکھیا جھولی پایا ہو ۔رہُ نی دنیاں ن کر جھیڑا،ساڈا دل گھبرایا ہو ۔اسیں پردیسی وطن دراڈا باہو،دم-دم علم سوایا ہو ۔

۵۵

بے-باجھ حضوری نہیں منزوری،توڑے پڑھن بانگ صلاتاں ہو ۔روضے نپھل نماز گزارن،جاگن ساریاں راتاں ہو ۔باجھوں قلب حضور ن ہووے،کڈھن سے زکاتاں ہو ۔باہو باجھ فنا ربّ حاصل ناہیں،ن تاثیر جماعتاں ہو ۔

۵۶

بے-بہتی میں اؤگنہاری،لاج پئی گل اسدے ہو ۔پڑھ پڑھ علم کرن تکبر،شیطان جیہے اتھے مسدے ہو ۔لکھاں نوں بھؤ دوزخ والا،ہکّ بہشتوں رسدے ہو ۔عاشقاں دے گل چھری ہمیشہ باہو،اگے محبوباں کسدے ہو ۔

۵۷

بے-بغداد شریفے ونج کراہاں،سودا نیہں کیتوسے ہو ۔رتی عقل دی کراہاں،بھار غماں دا گھدوسے ہو ۔بھار بھریرا منزل چوکھیری،اوڑک ونج پہنتیوسے ہو ۔ذات صفات صحیح کیتوسے باہو،تاں جمال لدھوسے ہو ۔

۵۸

ہے-ہکّ ہکّ پیڑ توں عالم کوکے،لکھ عاشق پیڑ سہیڑی ہو ۔ڈھہن رڑھن جتھے خطرہ ہووے،کون چڑھے اس بیڑی ہو ۔عاشق چڑھدے نال خوشی دے،تار کپر وچ بھیڑی ہو ۔عشقَ تلیندا نال رتی دے باہو،عاشق لزت نکھیڑی ہو ۔

۵۹

چَڑھ چنّا تے کر رُشنائی تارے ذِکر کریندے تیرا ہُوگلِیاں دے وچ پِھرن نمانے لعلاں دے ونجارے ہُوشالا مسافر کوئی نہ تھیوے کَکھ جِنہّاں توں بھارے ہُوتاڑی مار اڈُاوو نہ باہُو آپے اُڈن ہارے ہُو

۶۰

چنّا کر رُشنائی تارے ذِکر کریندے تیرا ہُوتیرے جیہے چَن کئی سئے چڑھدے سجناں باجھ انھیرا ہُوجِتھے چن اساڈا چڑھدا قدر نہیں کُجھ تیرا ہُوجَنم گوایا جِس کارن باہُو یار مِلے اِکویرا ہُو

۶۱

چے-چار مصلے پنج امام،کنوں سجدہ کرے ہو ۔چار محلّ تے پنج بہاری،کنو حاصل بھرے ہو ۔دوویں جہان غلام تنھاں دے،جیہڑے ربّ صحیح کرے ہو ۔چار پیراں چوداں کھنوادی باہو،کس ول دیواں سرے ہو ۔

۶۲

دال-دردمنداں دا خون جو پیندا،برہوں باز مریلا ہو ۔چھاتی دے وچ کیتوسُ ڈیرہ،شیر بیٹھا ملّ بیلا ہو ۔ہاتھی مست سندھورے وانگوں،کردا پیلا پیلا ہو ۔پیلے دا وشواس نہ باہو،پیلے باجھ نہ میلہ ہو ۔

۶۳

دِل دریا سمندروں ڈُونگھے کون دِلاں دیاں جانے ہُووِچّے بیڑے وِچّے جھیڑے وِچّے ونجھ مُہانے ہُو

چوداں طبق دِلے دے اندر تنبُو وانگن تانے ہُوجوئی دِل دا محرم ہووے سوئی ربّ پِچھانے ہُو

۶۴

دال-دلے وچ دل جو آکھیں،سو دل دور دلیلوں ہو ۔دل دا دور اگوہاں کیچے،کسرت کرنوں قلیلوں ہو ۔قلب کمال جمالوں جسموں،جوہر جاہ جلیلوں ہو ۔قبلہ قلب منور باہو،خلوت خاص خلیلوں ہو ۔

۶۵

دِین تے دُنیا سَکّیاں بھیناں عقل نہیں سمجھیندا ہُودووہں اِکس نکاح وچ آون شرع نہیں فرمیندا ہُوآگ تے پانی تھاں اِکّے وچ وادا نہیں کریندا ہُودووہیں جہانیں مُٹّھے باہو جِنہاں دعویٰ میں دا ہُو

۶۶

دال-دنیاں زن گھر مناپھک،یا گھر کافر دے سوہندی ہو ۔نقش نگار کرے بہتیرے،زن خوباں سبھ موہندی ہو ۔بجلی وانگ کرے لشکارے،سر دے اتوں چھہندی ہو ۔عیسیٰ دی صلع وانگوں باہو،راہ ویندیاں نوں کوہندی ہو ۔

۶۷

دال-دل دریا سمندروں ڈونگھا،غوطہ مار گواسی ہو ۔جیں دریا ونج نوش ن کیتا،رہسی جان پیاسی ہو ۔ہردم نال اﷲ دے رکھن،ذکر فکر کی عاصی ہو ۔اس مرشد تھیں زن بیہتر باہو،جو پھندھ فریب لباسی ہو ۔

۶۸

دِل کالیوں منہ کالا چَن٘گا جے کوئی اِس نوں جانے ہُومنہ کالا دل اچھا ہووے تاں دِل یار پچھانے ہُوایہہ دِل یار دے پِچھے ہووے متاں یار پُچھ آنے ہُوچھوڑ مسیتاں نٹھے باہُو لگے نین ٹکانے ہُو

۶۹

دال-دل تے دفتر وحدت والا،دائم کریں مطالعہ ہو ۔ساری عمرہ پڑھدیاں گزری،جھلاں دے وچ جالیا ہو ۔اکو اسم اﷲ دا رکھیں،ایہو سبق کمالیا ہو ۔دوویں جہان غلام تنھاں دے باہو،جیں دل اﷲ سمبھالیا ہو ۔

۷۰

درد منداں دے دُھوئیں دُھکدے ڈردا کوئی نہ سیکے ہُوایہناں دھوئیاں دے تاء تکھیرے محرم ہووے تاں سیک اے ہُوچِھک شمشیر کھڑا ہے سِر تے ترس پوس تاں تھیکے ہُوسر پر ساہورے ون٘جنا باہُو سدا نہ رہنا پیکے ہُو

۷۱

دال-دردمنداں دیاں آہیں کولوں،پتھر پہاڑ دے جھڑدے ہو ۔دردمنداں دیاں آہیں کولوں،بھجّ ناگ زمیں وچ وڑدے ہو ۔دردمنداں دیاں آہیں کولوں،اسمانوں تارے جھڑدے ہو ۔دردمنداں دیاں آہیں کولوں باہو،عاشق مول نہ ڈردے ہو ۔

۷۲

دال-دنیاں ڈھونڈن والے کتے،در در پھرن حیرانی ہو ۔ہڈی اتے ہوڑ تنھاں دی،لڑدیاں عمر وہانی ہو ۔عقل دے کوتاہ سمجھ نہ جانن،پیون لوڑن پانی ہو ۔باجھوں ذکر ربانے باہو،کوڑی رام کہانی ہو ۔

۷۳

دال-دل دریا خواجہ دیاں لہراں،گھمن گھیر ہزاراں ہو ۔وہن دلیلاں وچ فکر دے،بے حدّ بیشماراں ہو ۔ہکّ پردیسی دوجا نیہں لگا،ترییا بے سمجھی دیاں ہاراں ہو ۔ہسن کھیڈن بھلیا باہو،عشقَ چنگھائیاں دھاراں ہو ۔

۷۴

درد اندر دا اندر ساڑے باہر کراں تاں گھائل ہُوحال اساڈا کِویں اوہ جانن جو دُنیا تے مائل ہُو

بحر سمندر ٰعِشقے والا ہر دم وَیہن٘دا حائل ہُوپہنچ حُضور آسان نہ باہُو نام تیرے دے سائل ہُو

۷۵

ددھ دہی تے ہر کوئی رڑکے عاشق بھاہ رڑکیندے ہُوتن چٹورا من مدھانی آہیں نال ھلیندے ہُودکھاں دا نیترا کڈھے سہکارے ہنجھو پانی پویندے ہُونام فقیر تنہاں دا باہو ہڈاں توں مکھن کڈھیندے ہُو

۷۶

دَلیلاں چھوڑ وجُودوں ہو ہُشیار فقیرا ہُوبنھ توکّل پنچھی اُڈدے پَلّے خرچ نہ زیرا ہُوروزی روز اُڈ کھان ہمیشہ کردے نہیں ذخیرہ ہُومَولا خرچ پُچاوے باہُو جو پتھر وچ کِیڑا ہُو

۷۷

دال-دل بازار تے منہ دروازہ،سینہ شہر ڈسیندا ہو ۔روح سوداگر، نفس ہے راہ زن،حق دا راہ مریندا ہو ۔جاں توڑیں ایہہ نفس نہ ماریں،تاں ایہہ وقت کھڑیندا ہو ۔کردا ضایع ویلا باہو،جاں جاں تاک مریندا ہو ۔

۷۸

پھے-فجری ویلے وقت سویلے،آن کرن مزدوری ہو ۔کاواں الھاں ہکسے گلاں،تریجی رلی چنڈوری ہو ۔مارن چنجھاں کرن مشقت،پٹ پٹ کڈھن انگوری ہو ۔عمر پٹیندیاں گزری باہو،کدی نہ پئیا پوری ہو ۔

۷۹

پھے-فکر کنو کر ذکر ہمیشہ،لفظ تکھا تلواروں ہو ۔ذاکر سو جو ذکر کماون،پلک نہ فارغ یاروں ہو ۔عشقَ دا پٹیا کوئی نہ چھٹیا،پٹیا مڈھ پہاڑوں ہو ۔حق دا کلمہ عاشق پڑھدے باہو،رکھیں فقر دی ماروں ہو ۔

۸۰

گین-گوس قطب نے ارے اریرے،عاشق جان اگیرے ہو ۔جہڑی منزل عاشق پہنچن،گوس نہ پاون پھیرے ہو ۔عاشق وچ وصال دے رہندے،لامکانی ڈیرے ہو ۔میں قربان تنھاں توں باہو،جنہاں زاتو ذات بسیرے ہو ۔

۸۱

گاپھ-گجھے سائے صاحب والے،کجھ خبر نہیں اصل دی ہو ۔گندم دانہ بہتا چگیا،گل پئی ڈور اضل دی ہو ۔پھاہی دے وچ میں پئی تڑپھاں،بلبل باغ مثل دی ہو ۔غیر دلے تھیں سٹّ کے باہو،رکھ امید فضل دی ہو ۔

۸۲

گاپھ-گوڑھ زلمات اندھیر غباراں،اگے راہ نے خوف کھتر دے ہو ۔لکھ آبہیات منور چشمے،سائے زلف امبر دے ہو ۔مکھ محبوب دا خانا کعبہ،عاشق سجدہ کردے ہو ۔دو زلفاں وچ نین مصلے،چار مذہب جتھّ ملدے ہو ۔مثل سکندر ڈھونڈن عاشق،اک پلک آرام نہ کردے ہو ۔خضر نصیب جنہاں دے باہو،اوہ جا گھٹّ اوتھے بھردے ہو ۔

۸۳

گاپھ-گودڑیاں وچ لال جنہاں دی،راتیں جاگن ادھیاں ہو ۔سکّ ماہی دی ٹکن نہ دیندی،لوک انھے دیندے بدیاں ہو ۔اندر میرا حق تپایا،کھلیاں راتیں کڈھیاں ہو ۔تن تھیں ماس جدا ہویا باہو،سوکھ جھلارے ہڈیاں ہو ۔

۸۴

گاپھ-گیا ایمان عشقے دے پاروں،ہو کے کافر رہیئے ہو ۔گھتّ زنار کفر دا گل وچ،بتخانے وچ بہیئے ہو ۔جس جا جانی نظر ن آوے،سجدہ مول ن دئیے ہو ۔جانی نظر ن آوے باہو،کلمہ مول ن کہیئے ہو ۔

۸۵

گاپھ-گھڑی گھڑی وچ حاضر کردا،پل پل دے وچ دیری ہو ۔دل وچ خوف رضا ربے دا باہو،ربّ کرے نہ ٹیری ہو ۔خوف رضا وچ دل دے کریئے،ربّ وچ میری ہو ۔جنہاں خوف ربے دا باہو،اوہناں ونج بدھے نی سیری ہو ۔

۸۶

حافظ پڑھ پڑھ کَرن تکبّر مُلّاں کَرن وڈیائی ہُوساون مان٘ہہ دے بدلاں وانگوں پِھرن کِتاباں چائی ہُوجِتھے ویکھن چنگا چوکھا پڑھن کلام سوائی ہُو'دوہیں جہانیں مُٹّھے باہُو کھادی ویچ کمائی ہُو

۸۷

ہے-ہو دا جامہ پہن کراہاں،اسم کماون ذاتی ہو ۔کفر اسلام مقام ن منزل،ن اوتھے موت حیاتی ہو ۔ن اوتھے مشرک ن اوتھے مغرب،ن اوتھے دن تے راتی ہو ۔شاہ رگ تھیں نزدیک لدھوسُ،پا اندرونی جھاتی ہو ۔اوہ اساں وچ اسیں اوہناں وچ،دور رہی کرباتی ہو ۔

۸۸

ہے-ہادی سانوں سبق پڑھایا،بن پڑھیا پیا پڑھیوے ہو ۔سر کناں وچ وس رہیو سی،بن سنیا پیا سنیوے ہو ۔نین نیناں ول تر تر تکن،بن ڈٹھیاں پیا دسیوے ہو ۔روون جھکن گالی دیون نال ڈھول باہو،کوڑی طرحاں وٹیوے ہو ۔

۸۹

ہے-ہردم شرم دی تند تروڑے،جاں ایہہ چھوڈ کبلے ہو ۔کچرک بالاں عقل دا دیوا،برہوں ہنھیری جھلے ہو ۔اجڑ گیاں دے بھیت نیارے،لال جواہر رلے ہو ۔باہو دھوتیاں داغ ن لیہندے،جتھے رنگ مجیٹھی ڈلھے ہو ۔

۹۰

ہے-ہسن دے کے روون لیوئی،دتا کس دلاسہ ہو ۔عمر بندے دے اویں وہانی،جیوں پانی وچ پتاسا ہو ۔سوڑی سامی سٹّ گھتیسُ،پلٹ ن سکیں پاسہ ہو ۔صاحب لیکھا منگسی باہو،رتی گھٹّ ن ماسہ ہو ۔

۹۱

ہے-ہور دوا ن دل دی کاری،کلمہ دل دی کاری ہو ۔کلمہ دور زنگار کریندا،کلمے میل اتاری ہو ۔کلمہ ہیرے لال جواہر،کلمہ ہٹّ پساری ہو ۔ایتھے اوتھے دوہیں جہانیں باہو،کلمہ دولت ساری ہو ۔

۹۲

ہے-ہکّ جاگن ہکّ جاگ ن جانن،ہکّ جاگدیاں ہی ستے ہو ۔ہکّ ستیاں جا وصال ہوئے،ہکّ جاگدیاں ہی مٹھے ہو ۔کی ہویا جے گھگو جاگے،جو لیندا ساہ اپٹھے ہو ۔میں قربان تنھاں توں باہو،جنہاں کھوہ پریم دے جتے ہو ۔

۹۳

ہے-ہو سوداگری سودا ایہودنیاں چار دہاڑی ہو ۔جاں جاں دل وچ موجاں مانے،موت مریندی تاری ہو ۔کر کجھ محنت حاصل ہووے،جوں جوں ہتھ پساری ہو ۔رل چوراں نے پور چڑھایا،ربّ صحیح سلامت جاری ہو ۔چل بازار کجھ کریئے باہو،دشمن ہتھ کٹاری ہو ۔

۹۴

جیم-جوم دل منگے ہووے ناہیں،ہوون رہا پریرے ہو ۔دوست ن دیوے دل دا دارو،عشقَ ن واگاں پھیرے ہو ۔اس میدان محبت والے،ملدے تاء تکھیرے ہو ۔میں قربان تنھاں توں باہو،جنہاں رکھیا قدم اگیرے ہو ۔

۹۵

جیم-جیم توں چاہیں وحدت ربّ دی،مل مرشد دیاں تلیاں ہو ۔مرشد لتفوں کرے نظارہ،گل تھیون سبھ کلیاں ہو ۔اوہناں کلیاں وچ ہک لالا ہوسی،گل نازک کل پھلیاں ہو ۔دوہیں جہانی مٹھے باہو،جنہاں سنگ کیتا دو ولیاں ہو ۔

۹۶

جیم-جنہاں الف مطالعہ کیتا،بے دا باب ن پڑھدا ہو ۔چھوڑ صفاتی جس لدھیوسُ ذاتی،عامی نال ن رلدا ہو ۔نفس امارا کتڑا جانے،ناز نیاز ن دھردا ہو ۔کیا پرواہ تنھاں نوں باہو،جنہاں گھاڑو لدھا گھردا ہو ۔

۹۷

جیم-جس دل عشقَ خرید ن کیتا،سو دل بخت نبختی ہو ۔استاد اضل دے سبق پڑھایا،ہتھ دتس دل تختی ہو ۔برسر آیا دمّ ن ماریں،جاں سر آوے سختی ہو ۔پڑھ توحید ہو واصل باہو،سبق پڑھیوے وقتی ہو ۔

۹۸

جیم-جیں دل عشقَ خرید ن کیتا،سو دل درد ن جانے ہو ۔کھنسے خسرے ہر کوئی آکھے،کون کہے مردانے ہو ۔گلیاں وچ پھرن ہر ویلے،جویں جنگل ڈھور دیوانے ہو ۔مرد نمرد تاہیں کھلسن باہو،جد عاشق بنھسن گانے ہو ۔

۹۹

جیم-جتھے رتی عشقَ وکاوے،اوتھے مل ایمان دیویوے ہو ۔قطب کتاباں ورد وظیفے،ایہہ بھی اتر کچیوے ہو ۔باجھوں مرشد کجھ ن حاصل،توڑے راتیں جاگ پڑھیوے ہو ۔مریئے مرن تھیں اگے باہو،تاں ربّ حاصل تھیوے ہو ۔

۱۰۰

جنگل دے وچ شیر مرِیلا باز پَوے وچ گھر دے ہُوعشق جیہا صرّاف نہ کوئی کَج نہ چھوڑے زر دے ہُوعاشقاں نیندر بُھکھ نہ کائی عاشق مُول نہ مردے ہُوعاشق جیندے تداں باہُو جد صاحب اگّے سِر دھردے ہُو

۱۰۱

جیم-جنہاں عشقَ حقیقی پایا،مونہوں ن کجھ الاون ہو ۔ذکر فکر وچ رہن ہمیشہ،دم نوں قید لگاون ہو ۔نفسی قلبی روحی سری،اخپھی خفی کماون ہو ۔میں قربان تنھاں توں باہو،جہڑے ہکس نگاہ جگاون ہو ۔

۱۰۲

جیوندے کِیہ جانَن سار مویاں دی سو جانے جو مَردا ہُوقبراں دے وِچ اَن٘ نہ پانی خرچ لوڑیندا گھر دا ہُو

اِک وچھوڑا ماں پیو بھائیاں بیا عذاب قبر دا ہُووِاہ نصیبا باہُو جیہڑا وِچ حیاتی مردا ہُو

۱۰۳

جَیں دِل عَشق خرید نہ کیتا سو دِل درد نہ پَھٹّی ہُواُس دِل تِھیں سَنگ پتھر چَنگے جو دِل غفلت اَٹّی ہُوجیں دِل عشق حُضور نہ منگیا سَو درگاہوں سٹی ہُومِلیا دوست نہ باہُو جِن٘ہّاں چَوڑ نہ کِیتی تَرٹّی ہُو

۱۰۴

جیم-جوم پاکی بن پاک ماہی دے،سو پاکی جان پلیتی ہو ۔ہکّ بتخانے واصل ہوئے،ہکّ خالی رہے مسیتی ہو ۔عشقَ دی بازی لائی جنہاں،سر دیندیاں ڈھل نہ کیتی ہو ۔ہرگز دوست نہ ملدا باہو،جنہاں ترٹی چوڑ نہ کیتی ہو ۔

۱۰۵

جیم-جیں ڈینہ دا میں در تینڈے تے،سجدہ صحیح ونج کیتا ہو ۔اس ڈینہ دا سر فدا اتھائیں،میں بیا دربار نہ لیتا ہو ۔سر دیون سر آکھن ناہیں،شوق پیالہ پیتا ہو ۔میں قربان تنھاں توں باہو،جنہاں عشقَ سلامت کیتا ہو ۔

۱۰۶

جیم-جنہاں شوہ الف تھیں پایا،پھول قرآن نہ پڑھدے ہو ۔اوہ مارن دم محبت والا،دور ہوئے نے پردے ہو ۔دوزخ بہشت غلام تنھاں دے،چا کیتو نے بردے ہو ۔میں قربان تنھاں دے باہو،جیہڑے وحدت دے وچ وڑدے ہو ۔

۱۰۷

جیم-جبم لگ خودی کریں خود نفسوں،تب لگ ربّ نہ پاویں ہوں ۔شرط پھنھا نوں جانیں ناہیں،نام فقیر رکھاویں ہوں ۔موئے باجھ نہ سوہندی الفی،ایویں گل وچ پاویں ہو ۔نام فقیر تداں سوہندا باہو،جے جیوندیاں مر جاویں ہو ۔

۱۰۸

جیم-جوم دم غافل سو دم کافر،مرشد ایہہ پڑھایا ہو ۔سنیاں سخن گئیاں کھل اکھیں،چت مولٰی ول لایا ہو ۔کیتی جان حوالے ربّ دے،ایسا عشقَ کمایا ہو ۔مرن تھیں اگے مر گئے باہو،تاں مطلب نوں پایا ہو ۔

۱۰۹

جیم-جیوندیاں مر رہنا ہووے،تاں ویس فقیراں بہیئے ہو ۔جے کوئی سٹے گدڑ کوڑا،وانگ اروڑی سہیئے ہو ۔جے کوئی دیوے گالھاں مہنے،اس نوں جی جی کہیئے ہو ۔گلہ الھاماں بھنڈی کھواری،یار دے پاروں سہیئے ہو ۔قادر دے ہتھ ڈور اساڈی باہو،جیوں رکھے تؤں رہیئے ہو ۔

۱۱۰

جے دِین عِلم وِچ ہون٘دا سِر نیزے کیوں چَڑھدے ہُواٹھاراں ہزار جو عالَم آہا اَگّے حُسین دے مردے ہُوجے کر بیعت رسولی ﷺ مَن٘دے پانی کیوں بند کَردے ہُوصادق دِین تِنہّاں باہُو جے سِر قربانی کردے ہُو

۱۱۱

جیم-جدم دا مرشد کاسہ دتا،تد دی بے پرواہی ہو ۔کی ہویا جے راتیں جاگے،مرشد جاگ نہ لائی ہو ۔راتیں جاگیں کریں عبادت،دینہ نندیا کریں پرائی ہو ۔کوڑا تخت دنیاں دا باہو،فقر سچی پاتشاہی ہو ۔

۱۱۲

جے ربّ نہاتیاں دھوتیاں مِلدا، مِلدا ڈڈواں مچِھیاں ہُوجے رب مِلدا مون مُنایاں مِلدا بھیڈاں سسّیاں ہُو

جے ربّ جَتیاں سَتیاں مِلدا، مِلدا ڈان٘ڈاں خصّیاں ہُورب اوہناں نوں مِلدا باہُو، نَیّتاں جنّہاں اَچّھیاں ہُو

۱۱۳

جیم-جال جلیندیاں جنگل بھوندیاں،ہکا گلّ نہ پکی ہو ۔چلے چلیئے حج گزاریاں،دل دی دوڑ نہ ڈکی ہو ۔تریہے روضے پنج نمازاں،ایہہ بھی پڑھ پڑھ تھکی ہو ۔سبھے مراداں حاصل باہو،جاں نظر مہر دی تکی ہو ۔

۱۱۴

جیم-جاں جاں ذات نہ تھیوے باہو،تاں کم ذات سدیوے ہو ۔ذاتی نال سپھاتی ناہیں،تاں تاں حق لبھیوے ہو ۔اندر بھی ہو باہر بھی ہو،باہو کتھّ لبھیوے ہو ۔جیں اندر حب دنیاں باہو،اوہ مول فقیر نہ تھیوے ہو ۔

۱۱۵

جِس دل اِسم اللّہ دا چمکے عشق بھی کردا ہلّے ہُوبھا کَستُورہ چُھپدے ناہیں، دے رکھیے سئے پلّے ہُواُنگلی پچھے دیہنہ نہیں چُھپدے، دریا نہ رہندے ٹھلّہے ہُواسیں اوسے وچ اوہ اساں وچ باہُو یاراں یار سولّے ہُو

۱۱۶

کاف-قلب ہلیا تاں کیا ہویا،کیا ہویا ذکر زبانی ہو ۔روحی قلبی مخپھی سری،سبھے راہ حیرانی ہو ۔شاہ رگ توں نزدیک جو رہندا،یار نہ ملیا جانی ہو ۔نام فقیر تنھاں دا باہو،جہڑے وسدے لامکانی ہو ۔

۱۱۷

کاف-کرپھ محبت کجھ حاصل ہووے،عمر ایہہ چار دہاڑے ہو ۔تھی سوداگر کر لے سودا،جاں جاں ہٹّ نہ تاڑے ہو ۔جے جانے دل ذوق منیسی،موت مریندی دھاڑے ہو ۔چوراں سادھاں پور بھرایا باہو،ربّ یار سلامت چاڑھے ہو ۔

۱۱۸

کاف-کلمے دی کلھ تداں پیوسے،جد کلھ کلمے ونج کھولی ہو ۔کلمہ عاشق اوتھے پڑھدے،جتھے نور نبی دی ہولی ہو ۔چوداں تبک کلمے دے اندر،کی جانے خلقت بھولی ہو ۔کلمہ پیر پڑھایا باہو،جند جان اوسے توں گھولی ہو ۔

۱۱۹

کاف-کلمے دی کلھ تداں پیوسے،جد کلمے دل پھڑیا ہو ۔بے درداں نوں خبر نہ کوئی،دردمنداں گل مڑھیا ہو ۔کفر اسلام دا پتہ لگا،جد بھنّ جگر وچ وڑیا ہو ۔میں قربان تنھاں توں باہو،جنہاں کلمہ صحیح کر پڑھیا ہو ۔

۱۲۰

کاف-کن پھیکون جدوں پھرمایاسُ،اساں بھی کولے ہاسے ہو ۔ہکے ذات سپھات ربے دی،ہکے جگ ڈھونڈیاسے ہو ۔ہکے لامکان اساڈا،ہکے آن بتاں وچ پھاسے ہو ۔نفس پلیت پلیتی باہو،اصل پلیت تاں ناسے ہو ۔

۱۲۱

کاف-کیا ہویا بتّ دور گیا،دل ہرگز دور نہ تھیوے ہو ۔سیاں کوہاں تے وسدا مرشد،مینوں وچ حضور دسیوے ہو ۔جیندے اندر عشقَ دی رتی،اوہ بن شرابوں کھیوے ہو ۔نام فقیر تنھاں دا باہو،قبر جنہاں دی جیوے ہو ۔

۱۲۲

کاف-کرپھ عبادت پچھوتاسیں،تینڈی جایا گئی جوانی ہو ۔عارف دی گلّ عارف جانے،کیا جانے نفسانی ہو ۔راتیں رتی نیند نہ آوے،دہاں پھراں حیرانی ہو ۔واہ نصیب تنھاں دے باہو،جنہاں ملیا پیر جیلانی ہو ۔

۱۲۳

کاف-کوک دلا متّ ربّ سنے چا،دردمنداں دیاں آہیں ہو ۔سینہ میرا دردیں بھریا،اندر بھڑکن بھاہیں ہو ۔تیلاں باجھ نہ بلن مثعلاں،درداں باجھ نہ آہیں ہو ۔آتش نال یارانہ لا کے باہو،پھر اوہ سڑن کہ ناہیں ہو ۔

۱۲۴

کاف-کامل مرشد ایسا ہووے،جہڑا دھوبی وانگوں چھٹے ہو ۔نال نگاہ دے پاک کرے،سجی صابن نہ گھتے ہو ۔میلیاں نوں کر دیوے چٹا،ذرا میل نہ رکھے ہو ۔ایسا مرشد ہووے باہو،لوں لوں دے وچ وسے ہو ۔

۱۲۵

کاف-کلمے دی کلھ تداں پیوسے،جد مرشد کلمہ دسیا ہو ۔ساری عمر وچ کفر دے جالی،بن مرشد دے وسیا ہو ۔شاہ علی شیر بہادر وانگن،وڈھّ کفر نوں سٹیا ہو ۔دل صافی تاں ہووے باہو،جاں قلماں لوں لوں رسیا ہو ۔

۱۲۶

کلمے نال میں نھاتی دھوتی کلمے نال وِیاہی ہُوکلمہ میرا پڑھے جنازہ کلمے گور سُہائی ہُوکلمے نال بہشتیں جانا، کلمہ کرے صفائی ہُومُڑن محال تنہاں نُوں جِنہاں صاحب آپ بُلائی ہُو

۱۲۷

کاف-کلمے لکھ کروڑاں تارے،ولی کیتے سے راہیں ہو ۔کلمے نال بجھائے دوزخ،جتھے اگّ بلے ازگاہیں ہو ۔کلمے نال بہشتی جانا،جتھے نیامت سنجھ سباہیں ہو ۔کلمے جیہی کوئی نیامت نہ باہو،اندر دوہیں سرائیں ہو ۔

۱۲۸

کاف-کل قابیل کویشر کہندے،کارن درد بہر دے ہو ۔شش زمیں تے شش فلک تے،شش پانی تے تردے ہو ۔چھیاں حرفاں وچ سخن اٹھاراں،دو دو مانی دھردے ہو ۔باہو حق پچھانن ناہیں،پہلے حرف سطر دے ہو ۔

۱۲۹

خام کیہہ جانَن سار فقر دی مَحرم ناہیں دِل دے ہُوآپ مٹی تھیں پیدا ہوئے خامِی بھانڈے گِل دے ہُوقدر کیہہ جانن لعل جواہراں جو سوداگر بِل دے ہُوایمان سلامت باہُو جیہڑے بھَج فقیراں مِلدے ہُو

۱۳۰

لام-لایوہتاج جنہاں نوں ہویا،فکر تنھاں نوں سارا ہو ۔نظر جنہاں دی کیمییا ہووے،اوہ کیوں مارن پارا ہو ۔دوست جنہاں دا حاضر ہووے،دشمن لین نہ وارا ہو ۔میں قربان تنھاں توں باہو،جنہاں ملیا نبی سہارا ہو ۔

۱۳۱

لام-لکھن سکھیوں لکھ نہ جاتا،کاغذ کیتوئی ضایع ہو ۔کت قلم نوں مار نہ جانیں،کاتب نام دھرایا ہو ۔سبھ اسلاہ تیری ہوسی کھوٹی،جاں کاتب ہتھ آیا ہو ۔صحیح صلاحَ تنھاں دی باہو،جنہاں الف تے میم پکایا ہو ۔

۱۳۲

لام-لام لاہ-ہوہ غیری دھندے،ہکّ پل مول نہ رہندے ہو ۔عشقَ نے پٹے رکھ جڑھاں تھیں،ہکّ دم ہول نہ سہندے ہو ۔جیہڑے پتھر وانگ پہاڑاں،لون وانگ گل وہندے ہو ۔جے عشقَ سکھالا ہندا باہو،سبھ عاشق بن بہندے ہو ۔

۱۳۳

لام-لوک قبر دا کرسن چارہ،لہد بناون ڈیرہ ہو ۔چٹکی بھر مٹی دی پاسن،کرسن ڈھیر اچیرا ہو ۔دے درود گھراں نوں ونجن،کوکن شیرا شیرا ہو ۔وچ درگاہ ن عملاں باجھوں،باہو ہوگ نبیڑا ہو ۔

۱۳۴

لام-لوہا ہوویں پیا کٹیویں،تاں تلوار سدیویں ہو ۔کنگھی وانگوں پیا چریویں،زلف محبوب بھریویں ہو ۔مہندی وانگوں پیا گھٹیویں،تلی محبوب رنگیویں ہو ۔وانگ کپاہ پیا پنجیویں،تاں دستار سدیویں ہو ۔عاشق صادق ہوویں باہو،تاں رس پریم دا پیویں ہو ۔

۱۳۵

میم-مال جان سبھ خرچ کراہاں،کریئے خرید فقیری ہو ۔فقر کنو ربّ حاصل ہووے،کیوں کیچے دلگیری ہو ۔دنیاں کارن دین ونجاون،کوڑی شیخی پیری ہو ۔ترک دنیاں تھیں کیتی باہو،شاہ میراں دی میری ہو ۔

۱۳۶

میم-موتو والی موت نہ ملسی،جیں وچ عشقَ حیاتی ہو ۔موت وصال تھیؤسے ہکو،جداں اسم پڑھیوے ذاتی ہو ۔این دے وچ این تھیؤسے،دور ہوئی کرباتی ہو ۔ہو ذکر ہمیش سڑیندا باہو،دیہاں سکھ نہ راتی ہو ۔

۱۳۷

میم-مرشد وانگ سنیارے ہووے،گھتّ کٹھالی گالے ہو ۔جاں کٹھالیؤں باہر کڈھے،بندے گھڑے جاں والے ہو ۔کنیں خوباں تدوں سہاون،جداں کٹھے آ اجالے ہو ۔نام فقیر تنھاں دا باہو،جیڑھا دمدم دوست سمبھالے ہو ۔

۱۳۸

میم-مرشد مکہ، طالب حاجی،کعبہ عشقَ بنایا ہو ۔وچ حضور سدا ہر ویلے،کریئے حج سوایا ہو ۔ہکّ دم میتھوں جدا نہ ہووے،دل ملنے تے آیا ہو ۔مرشد این حیاتی باہو،لوں لوں وچ سمایا ہو ۔

۱۳۹

میم-مرشد اوہ سہیڑیئے،جہڑا دو جگّ خوشی وکھاوے ہو ۔پہلے غم ٹکڑے دا میٹے،وتّ ربّ دا راہ سجھاوے ہو ۔کلر والی کندھی نوں چا،چاندی خاص بناوے ہو ۔جیں مرشد ایتھے کجھ نہ کیتا باہو،کوڑے لارے لاوے ہو ۔

۱۴۰

میم-مرشد باجھوں فقر کماوے،وچ کفر دے بڈے ہو ۔شیخ مشائکھ ہو بہندے حجرے،گوس قطب بن وڈے ہو ۔رات اندھاری مشکل پینڈا،سے سے آون ٹھڈے ہو ۔تسبیحاں نپّ بہن مسیتیں باہو،جویں موش بہے وڑ کھڈے ہو ۔

۱۴۱

میں کوجھی میرا دِلبر سوہنا، میں کیونکر اُس نوں بھاواں ہُوویہڑے ساڈے وڑدا ناہیں، پئی لکھ وسیلے پاواں ہُو

نہ سوہنی نہ دولت پلّے، کیونکر یار مناواں ہُوایہہ دُکھ ہر دم رہسی باہُو، روندڑی ہی مرجاواں ہُو

۱۴۲

میم-مرشد مینوں حج مکے دا،رحمت دا دروازہ ہو ۔کراں تواپھ دوآلے بلے،حج ہووے نت تازہ ہو ۔کن پھیکون جدوں دا سنیا،ڈٹھا اﷲ دا دروازہ ہو ۔مرشد سدا حیاتی والا باہو،اوہو خضر کھوازا ہو ۔

۱۴۳

میم-مرشد میرا شہباز الٰہی،رلیا سنگ حبیباں ہو ۔تقدیر الٰہی چھکیاں ڈوراں،ملسی نال نصیباں ہو ۔کوہڑیاں دے دکھ دور کریندا،کرے شفا غریباں ہو ۔ہر مرض دا دارو توں ہیں باہو،کیوں گھتنا ایں وسّ طبیباں ہو ۔

۱۴۴

میم-مرشد وسے سے کوہاں تے،مینوں دسے نیڑے ہو ۔کی ہویا بتّ اوہلے ہویا،اوہ وسے وچ میرے ہو ۔الف دی ذات صحیح جس کیتی،اوہ رکھے قدم اگیرے ہو ۔نہنُ-اقرب لبھیوسُ باہو،جھگڑے کل نبیڑے ہو ۔

۱۴۵

میم-مذہباں دے دروازے اچے،راہ ربانا میری ہو ۔پنڈت تے ملوانیاں کولوں،چھپ چھپ لنگھیئے چوری ہو ۔اڈیاں مارن کرن بکھیڑے،دردمنداں دے کھوری ہو ۔باہو چل اتھائیں وسیئے،جتھے دعوہ نہ کسے ہوری ہو ۔

۱۴۶

میم-مرشد ہادی سبق پڑھایا،پڑھیوں بناں پڑھیوے ہو ۔انگلیاں کناں وچ دتیاں،سنیوں بناں سنیوے ہو ۔نین نیناں ول تر تر تکدے،ڈٹھیوں بناں ڈسیوے ہو ۔ہر خانے وچ جانی باہو،کون سر اوہ رکھیوے ہو ۔

۱۴۷

میم-میں شاہباز کراں پروازاں،وچ افلاق کرم دے ہو ۔زباں تاں میری کنّ برابر،موڑاں کم قلم دے ہو ۔افلاطون ارسطو ورگے،میں اگے کس کم دے ہو ۔حاتم ورگے لکھ کروڑاں،در باہو دے منگدے ہو ۔

۱۴۸

نون-نال کسنگی سنگ نہ کریئے،کل نوں لاج نہ لائیے ہو ۔تمے مول تربوز نہ ہندے،توڑ مکے لے جائیے ہو ۔کاں دے بچے ہنس نہ تھیندے،پئے موتی چوگ چگائیے ہو ۔کوڑے کھوہ نہ مٹھے ہندے باہو،سے مناں کھنڈ پائیے ہو ۔

۱۴۹

نون-نان میں عالم نہ میں فاضل،نہ میں مفتی قاضی ہو ۔نہ میرا دل دوزخ منگے،نہ شوق بہشتی راضی ہو ۔نہ میں تریہے روضے رکھے،نہ میں پاک نمازی ہو ۔باجھ وسال اﷲ دے باہو،دنیاں کوڑی بازی ہو ۔

۱۵۰

نون- نہ اوہ ہندو نہ اوہ مومن،نہ سجدہ دین مسیتی ہو ۔دم دم دے وچ مولٰی ویکھن،جنہاں قضاع نہ کیتی ہو ۔آہے دانے بنے دیوانے،جنہاں ذات صحیح ونج کیتی ہو ۔میں قربان تنھاں توں باہو،جنہاں عشقَ بازی چن لیتی ہو ۔

۱۵۱

نون-نت اساڈے کھلے کھاندی،ایہا دنیاں زشتی ہو ۔جیں دے کارن بہہ بہہ روون،شیخ مشائکھ چشتی ہو ۔جیندے دل وچ حب دنیاوی،غرق تنھاں دی کشتی ہو ۔ترک دنیاں تھیں کر توں باہو،خاصہ راہ بہشتی ہو ۔

۱۵۲

نون-نان کوئی مرشد نہ کوئی طالب،سبھ دلاسے مٹھے ہو ۔راہ فقر دا پرے پریرے،حرص دنیاں دی کٹھے ہو ۔شوق الٰہی غالب ہویا،جند مرن توں اٹھے ہو ۔جیں تن بھاہ برہوں دی باہو،مرن ترہائے بھکھے ہو ۔

۱۵۳

نون-نان ربّ عرش معلا اتے،نہ ربّ خانے کعبے ہو ۔نہ ربّ علم کتابی لبھا،نہ ربّ وچ مہرابے ہو ۔گنگا تیرتھ مول نہ ملیا،پینڈے بے حسابے ہو ۔جد دا مرشد پھڑیا باہو،چھٹے سبھ اجابے ہو ۔

۱۵۴

نون-نپھل نمازاں کم زناناں،روضے صرفہ روٹی ہو ۔مکے دے ول سوئی جاندے،گھروں جنہاں تروٹی ہو ۔اچیاں بانگاں سوئی دیون،نیت جنہاں دی کھوٹی ہو ۔کی پرواہ تنھاں نوں باہو،جنہاں گھر وچ لدھی بوٹی ہو ۔

۱۵۵

نون-نان میں جوگی نہ میں جنگم،نہ میں چلا کمایا ہو ۔نہ میں بھجّ مسیتیں وڑیا،نہ تسبا کھڑکایا ہو ۔جو دم غافل سو دم کافر،مرشد ایہہ فرمایا ہو ۔مرشد سوہنی کیتی باہو،پل وچ جا پہنچایا ہو ۔

۱۵۶

نون-نہیں فقیری جلیاں مارن،ستیاں لوک جگاون ہو ۔نہیں فقیری وہندیاں ندیاں،سکیاں پرا لنگھاون ہو ۔نہیں فقیری وچ ہوا دے،مسلا پا ٹھہراون ہو ۔نام فقیری تنھاں دا باہو،دل وچ دوست ٹکاون ہو ۔

۱۵۷

نون-نان میں سنی نہ میں شیعہ،دوہاں توں دل سڑیا ہو ۔مک گئے سبھ خشکی پینڈے،جد دریا رحمت وڑیا ہو ۔کئی منتارے تر تر ہارے،کوئی کنارے چڑھیا ہو ۔صحیح سلامت پار گئے باہو،جن مرشد دا لڑ پھڑیا ہو ۔

۱۵۸

نون-نان میں سیر نہ پاء چھٹاکی،ن پوری سرساہی ہو ۔ن میں تولا نہ میں ماسہ،گلّ رتیاں تے آئی ہو ۔رتی ہوواں رتیاں تلاں،اوہ وی پوری ناہیں ہو ۔تول پورا ونج ہوسی باہو،ہوسی فضل الٰہی ہو ۔

۱۵۹

نون-نیڑے وسے دور دسیوے،ویہڑے ناہیں وڑدے ہو ۔اندروں ڈھونڈن ولّ نہ آیا،باہر ڈھونڈن چڑھدے ہو ۔دور گیاں کجھ حاصل ناہیں،شوہ لبھے وچ گھر دے ہو ۔دل کر شیشے وانگوں باہو،دور تھیون کلّ پردے ہو ۔

۱۶۰

پے-پڑھ پڑھ علم ملوک رجھاون،کیا ہویا اس پڑھیاں ہو ۔ہرگز مکھن مول نہ آوے،پھٹے دودھ دے کڑھیاں ہو ۔آکھ چنڈورا ہتھ کی آیا،ایس انگوری پھڑیاں ہو ۔دل خستہ راضی رکھیں باہو،لئیں عبادت ورھیاں ہو ۔

۱۶۱

پے-پاک پلیت نہ ہندے ہرگز،جو رہندے وچ پلیتی ہو ۔وہدت دے دریا اچھلے،ہکّ دل صحیح نہ کیتی ہو ۔ہکّ بتکھانے واسل ہوئے،ہکّ پڑھ پڑھ رہے مسیتی ہو ۔فاضل چھوڈ فضیلت بیٹھے باہو،عشقَ بازی جن نیتی ہو ۔

۱۶۲

پِیر ملے جے پِیڑ نہ جاوے اس نوں پِیر کِیہ٘ دھرنا ہُومرشد ملے اِرشاد نہ مَن نوں اوہ مرشد کِیہ٘ کرنا ہُوہادی کُنوں ہدایت ناہیں اوہ ہادی کیہ پھڑنا ہُوسِر دتیاں حق حاصل باہُو اس موتوں کیہ ڈرنا ہُو

۱۶۳

پڑھ پڑھ علم کرن تکبّر مُلّاں کرن وڈیائی ہُوگلیاں دے وچ پِھرن نمانے، بغل کتاباں چَائی ہُوجِتھے ویکھن چَنگا چوکھا پڑھن کلام سوائی ہُودوہیں جہانیں مُٹھے باہُو کھادی ویچ کمائی ہُو

۱۶۴

پے-پڑھ پڑھ علم مشائکھ سداون،کرن عبادت دوہری ہو ۔اندر جھگی پئی لٹیوے،تن من خبر نہ موری ہو ۔مولٰی والی سدا سکھالی،دل توں لاہ تکوری ہو ۔ربّ تنھاں نوں حاصل باہو،جنہاں جگ نہ کیتی چوری ہو ۔

۱۶۵

پڑھ پڑھ علم ہزار کتاباں عالِم ہووے بھارے ہُوحَرف عشق دا پڑھ نہ جانن بھلے پِھرن بچارے ہُو

عشق عقل وچ منزل بھاری سئیاں کوہاں دے پاڑے ہُوجِنہّاں عِشق خرید نہ باہُو دوہیں جہانیں مارے ہُو

۱۶۶

پے-پنج محل پنجاں وچ چانن،دیوا کت ول دھریئے ہو ۔پنجے مہر پنجے پٹواری،حاصل کتول بھریئے ہو ۔پنج امام تے پنجے قبلے،سجدہ کتول کریئے ہو ۔جے صاحب سر منگے باہو،ہرگز ڈھلّ نہ کریئے ہو ۔

۱۶۷

پے-پڑھیا علم تے ودھی مغروری،عقل بھی گیا تلوہاں ہو ۔بھلا راہ ہدایت والا،نفع نہ کیتا دوہاں ہو ۔سر دتیاں جے سر ہتھ آوے،سودا ہار نہ توہاں ہو ۔وڑیں بازار محبت باہو،رہبر لے کے سوہاں ہو ۔

۱۶۸

پاٹا دامن ہویا پُرانا کچرک سِی٘وے درزی ہُوحال دا محرم کو ئی نہ مِلیا جو ملیا سَو غرضی ہُوباجھ مُربّی کِسے نہ لَدّھی، گُجّھی مَرض اندر دی ہُواوسے راہ ول جائیے باہُو، جس تھیں خلقت ڈردی ہُو

۱۶۹

رے-راہ فقر دا پرے پریرے،اوڑک کوئی نہ دسے ہو ۔نہ اتھے پڑھن پڑھاون کوئی،نہ اتھے مصلے قصے ہو ۔ایہہ دنیاں ہے بتّ-پرستی،مت کوئی اس تے وسے ہو ۔موت فقیری جیں سر باہو،مائلم تھیوے تسے ہو ۔

۱۷۰

رے-راتیں خواب نہ اوہناں،جیہڑے اﷲ والے ہو ۔باغاں والے بوٹے وانگوں،طالب نت سمبھالے ہو ۔نال نظارے رحمت والے،کھڑھا حضوروں پالے ہو ۔نام فقیر تنھاں دا باہو،جو کھڑھا ہیٹھاں یار وکھالے ہو ۔

۱۷۱

رے-راتیں رتی نیند نہ آوے،دہاں رہے حیرانی ہو ۔عارف دی گلّ عارف جانے،کیا جانے نفسانی ہو ۔کر عبادت پچھوتاسیں،ضایع گئی جوانی ہو ۔حق حضور تنھاں نوں باہو،جنہاں ملیا پیر جیلانی ہو ۔

۱۷۲

رے-روضے نپھل نمازاں تقویٰ،سبھے کم حیرانی ہو ۔اینی گلیں ربّ حاصل ناہیں،خود کھوانی خود دانی ہو ۔قدیم ہمیش جلیندا ملیو،ملیوسُ یار نہ جانی ہو ۔ورد وظیفے تھیں چھٹّ رہسی،باہو ہوسی جد فانی ہو ۔

۱۷۳

رے-رحمت اس گھر وچ وسے،جتھے بلدے دیوے ہو ۔عشقَ ہوائی چڑھ گئی فلکیں،کتھے جہاز گھتیوے ہو ۔عقل فکر دی بیڑی نوں چا،پہلے پور بڈیوے ہو ۔ہر جا جانی دسے باہو،جت ول نظر کچیوے ہو ۔

۱۷۴

رے-راتیں نین رتّ ہنجھو روون،دیہاں غمزا غم دا ہو ۔پڑھ توحید وڑیا تن اندر،سکھ آرام نہ دم دا ہو ۔سر سولی تے چا ٹنگیو نے،ایہو راز پرم دا ہو ۔سدھا ہو کوہیوے باہو،قطرہ رہے نہ غم دا ہو ۔

۱۷۵

رے-رات ہنیری کالی دے وچ،عشقَ چراگ جلاندا ہو ۔جیندی سکّ کنو دل نیویں،نہیں آواز سناندا ہو ۔اوجھڑ جھلّ تے مارو بیلے،دم دم خوف شیہاں دا ہو ۔جل تھل جنگل جھگیندے باہو،کامل نیہں جنہاں دا ہو ۔

۱۷۶

رے-راہ فقر دا تد لدھوسی،جد ہتھ پھڑیوسُ کاسہ ہو ۔ترک دنیاں توں تداں تھیوسیں،جد فقر ملیوسُ خاصہ ہو ۔دریا وحدت دا نوش کیتوسُ،اجاں بھی جی پیاسا ہو ۔راہ فقیری رتّ روون باہو،لوکاں بھانے ہاسہ ہو ۔

۱۷۷

سے-ثابت صدق تے قدم اگاہاں،تانہی ربّ لبھیوے ہو ۔لوں لوں دے وچ ذکر اﷲ دا،ہردم پیا پڑھیوے ہو ۔ظاہر باطن این اانی،ہو ہو پیا دسیوے ہو ۔نام فقیر تنھاں دا باہو،قبر جنہاں دی جیوے ہو ۔

۱۷۸

ثابت عشق تِنہّاں لَدّھا تَرٹّی چَوڑ چا کِیتی ہُونہ اوہ صوفی نہ صافی نہ سجدہ کرن مسِیتی ہُو!خالص نِیل پُرانے تے نہیں چڑھدا رنگ مَجھی٘ٹی ہُو!قاضی آن شرع وَل باہُو عشق نماز نہ نِیتی ہُو!

۱۷۹

سوز کُنوں تن سڑیا سارا، میں کیونکر اُس نوں بھاواں ہُوکوئل وانگ کُوکیندی وتاں ، ونجن دِن اضائعے ہُوبول پپیہا رُت ساون آئی، مولا مینہ ورسائے ہُوصِدق تے قدم اگوہاں باہُو، ایہہ گل یار وِلائے ہُو

۱۸۰

سین-سین روضے سے نپھل نمازاں،سے سجدے کر تھکے ہو ۔سے واری مکے حج گزاراں،دل دی دوڑ نہ مکے ہو ۔چلھے چلیئے جنگل بھونا،گلّ نہ اس تھیں پکے ہو ۔سبھّ مطلب حاصل ہندے باہو،جد پیر نظر اک تکے ہو ۔

۱۸۱

سین-سبق صفائی سوئی پڑھدے،جو وت ہینے ذاتی ہو ۔علموں علم اوہناں نوں ہویا،اصلی تے اسباتی ہو ۔نال محبت نفس کٹھو نے،کڈھ قضاع دی کاتی ہو ۔بہرا خاص اوہناں نوں باہو،جنہاں لدھا آب-حیاتی ہو ۔

۱۸۲

سین-سبھن تعریفاں کوئی بشر کردے،کارن درد بہر دے ہو ۔شش فلک تے شش زمیناں،شش پانی تے تردے ہو ۔چھیاں حرفاں دے سخن اٹھاراں،اتھے رو رو معنے دھردے ہو ۔پر باہو حق پچھانیو ناہیں،پہلے حرف سطر دے ہو ۔

۱۸۳

سین-سن فریاد پیراں دیا پیرا،میں آکھ سناواں کینوں ہو ۔تیرے جیہا مینوں ہور نہ کوئی،میں جیہیاں لکھ تینوں ہو ۔پھول نہ کاغذ بدیاں والے،در توں دھکّ نہ مینوں ہو ۔میں وچ ایڈ گناہ نہ ہندے باہو،توں بکھشیندوں کینوں ہو ۔

۱۸۴

سین-سن فریاد پیراں دیا پیرا،عرض سنیں کنّ دھرکے ہو ۔بیڑا اڑیا وچ کپراں دے،جتھے مچھّ نہ بہندے ڈرکے ہو ۔شاہ جیلانی محبوب سبھانی،خبر لیو جھٹّ کرکے ہو ۔پیر جنہاں دا میراں باہو،سوئی کندھی لگدے ترکے ہو ۔

۱۸۵

سین-سین ہزار تنھاں توں صدقے،جو نہ بولن پھکا ہو ۔لکھ ہزار تنھاں توں صدقے،جو گلّ کردے ہکا ہو ۔لکھ کروڑ تنھاں توں صدقے،نفس رکھیندے جھکا ہو ۔نیل پدم تنھاں توں صدقے باہو،سون سداون سکہ ہو ۔

۱۸۶

سین-سینے وچ مقام ہے کیندا،مرشد گلّ سمجھائی ہو ۔ایہو ساہ جو آوے جاوے،ہور نہیں شے کائی ہو ۔اسنوں اسم ال اعظم آکھن،ایہو سر الٰہی ہو ۔ایہو موت حیاتی باہو،ایہو بھیت الٰہی ہو ۔

۱۸۷

شین-شہر تے رحمت وسے،جتھے باہو دن جالے ہو ۔باغبان دے بوٹے وانگوں،طالب نت سمبھالے ہو ۔نال نظارے رحمت والے،کھڑا حضوروں پالے ہو ۔نام فقیر تسے دا باہو،جیڑھا گھر وچ یار وکھالے ہو ۔

۱۸۸

سواد-صفت سنائیں مول نہ پڑھدے،جیڑھے پہتے ذاتی ہو ۔علموں عمل اوہناں وچ ہووے،اصلی تے اسباتی ہو ۔نال محبت نفس کٹھو نے،گھن رضا دی کاتی ہو ۔چوداں طبقاں دل وچ باہو،پا اندر دی جھاتی ہو ۔

۱۸۹

سواد-صورتَ نفس امارے دی،کوئی کتا گلر کالا ہو ۔کوکے نوکے لہو پیوے،منگے چرب نوالا ہو ۔کھبے پاسیوں اندر بیٹھا،دل دے نال سمبھالا ہو ۔ایہہ بد بخت ہے بھکھا باہو،اﷲ کرسی ٹالا ہو ۔

۱۹۰

تے-ترک دنیاں دی تائیں ہوسی،جد فقر ملیسی خاصہ ہو ۔تارک دنیاں تائیں ہوہی،جد ہتھ پکڑیسی کاسہ ہو ۔دریا وحدت نوش کیتوسے،اجاں بھی جی پیاسا ہو ۔راہ فقر رتّ ہنجھو روون باہو،لوکاں بھانے ہاسہ ہو ۔

۱۹۱

تے-تلھا بنھ توکل والا،تھی مردانہ تریئے ہو ۔جس دکھ تھیں سکھ حاصل ہووے،اس دکھ تھیں نہ ڈریئے ہو ۔'ان م 'ال' اسر یسرا' آیا،چتّ اوسے ولّ دھریئے ہو ۔بے پرواہ درگاہ اوہ باہو،رو رو حاصل بھریئے ہو ۔

۱۹۲

تے-توڑے تنگ پرانے ہوون،گجھے رہن نہ تازی ہو ۔مار نقارہ دل وچ وڑیا،کھیڈ گیا اک بازی ہو ۔مار دلاں نوں جول دتو نے،جد تکے نین نیازی ہو ۔اوہناں نال کی تھیا باہو،جنہاں یار نہ رکھیا راضی ہو ۔

۱۹۳

تَن میں یار دا شہر بنایا دِل وچ خاص محلہ ہُوآن الف دل وَسّوں کیتی ہوئی خُوب تسلّا ہُوسب کجھ مینوں پیا سُنیوےجو بولے سو اللّہ ہُودرد مَن٘داں ایہہ رَمز پَچھاتی باہُو بے درداں بھلّا ہُو

۱۹۴

تے-تسبیح دا توں قصبی ہوئیوں،ماریں دمّ ولیاں ہو ۔دل دا منکا اک نہ پھیریں،گل پائے پنج ویہاں ہو ۔دین گیاں گل گھوٹو آوے،لین گیاں جھٹ شیہاں ہو ۔پتھر چتّ جنہاں دے باہو،اوتھے ضایع وسنا مینہاں ہو ۔

۱۹۵

تے-توں تاں جاگ نہ جاگ فقیرا،انت نوں لوڑ جگایا ہو،اکھیں میٹیاں نہ دل جاگے،جاگے مطلب پایا ہو ۔ایہہ نقطہ جد پختہ کیتا،ظاہر آکھ سنایا ہو ۔میں تاں بھلی ویندی باہو،مرشد راہ وکھایا ہو ۔

۱۹۶

تے-تدوں فقیر شتابی بندا،جد جان عشقَ وچ ہارے ہو ۔عاشق شیشہ تے نفس مربی،جان جاناں توں وارے ہو ۔خود-نفسی چھڈّ ہستی جھیڑے،لاہ سروں سبھ بھارے ہو ۔مویاں باجھ نہیں حاصل باہو،سے سے سانگ اتارے ہو ۔

۱۹۷

تَسبی پِھری تے دِل نہ پِھریا لینا تَسبی پھڑ کے ہُو؟عِلم پڑھیا تے ادب نہ سِکھیا لینا علم نوں پڑھ کے ہُو؟چِلے کَٹّے تے کجھ نہ کَھٹیا لینا چِلّیاں وَڑ کے ہُو؟جَاگ بِنا دُدّھ جمدے نہ باہُو لال ہوون بھانویں کَڑھ کے ہُو

۱۹۸

توئے-طالب گوس ال اعظم والے،کدے نہ ہوون ماندے ہو ۔جیندے اندر عشقَ دی رتی،رہن سدا کرلاندے ہو ۔جینوں شوق ملن دا ہووے،لے خوشیاں نت آندے ہو ۔دوویں جگّ نصیب اوہناں باہو،جہڑے ذکر کماندے ہو ۔

۱۹۹

توئے-طالب بن کے طالب ہوئیں،اوسے نوں پیا گانویں ہو ۔لڑ سچے ہادی دا پھڑ کے،اوہو توں ہو جاویں ہو،کلمے دا توں ذکر کماویں،کلمے نال نہاویں ہو ۔اﷲ تینوں پاک کریسی باہو،جے ذاتی اسم کماویں توں ۔

۲۰۰

واؤ-وحدت دے دریا اچھلے،جل تھل جنگل رینے ہو ۔عشقَ دی ذات منیندی ناہیں،سانگاں جھل پتینے ہو ۔انگ ببھوت ملیندے ڈٹھے،سے جوان لکھینے ہو ۔میں قربان تنھاں تھوں باہو،جہڑے ہوندی ہمت ہینے ہو ۔

۲۰۱

واؤ-وحدت دے دریا اچھلے،ہک دل صحیح نہ کیتی ہو ۔ہکّ بتخانے واسل تھیئے،ہکّ پڑھ پڑھ رہے مسیتی ہو ۔فاضل چھڈّ فضیلت بیٹھے،عشقَ بازی جن لیتی ہو ۔ہرگز ربّ نہ ملدا باہو،جنہاں ترٹی چوڑ نہ کیتی ہو ۔

۲۰۲

واؤ-وحدت دا دریا الٰہی،عاشق لیندے تاری ہو ۔مارن ٹبھیاں کڈھن موتی،آپو اپنی واری ہو ۔در یتیم لئے لشکارے،جیوں چن لاٹ ماری ہو ۔سو کیوں نہیں حاصل بھردے باہو،جہڑے نوکر نے سرکاری ہو ۔

۲۰۳

واؤ-وہِ وہِ ندیاں تارو ہوئیاں،بمبل چھوڑے کاہاں ہو ۔یار اساڈا رنگ مہلیں،در تے کھڑے سکاہاں ہو ۔نہ کوئی آوے، نہ کوئی جاوے،کیں ہتھ لکھ منجاہاں ہو ۔جے خبر جانی دی آوے باہو،کلیؤں پھلّ تھیواہاں ہو ۔

۲۰۴

واؤ-ونجن سر تے فرض ہے مینوں،قول کالو بلا کرکے ہو ۔لوک جانے متپھکر ہوئیاں،وچ وحدت دے وڑکے ہو ۔شوہ دیاں ماراں شوہ ونج لہساں،عشقَ تلا سر دھرکے ہو ۔جینودیاں شوہ کسے نہ پایا باہو،جیں لدھا تیں مرکے ہو ۔

۲۰۵

یہ-یار یگانہ ملسی تاں،جے سر دی بازی لائیں ہو ۔عشقَ اﷲ وچ ہو مستانہ،ہو ہو سدا الائیں ہو ۔نال تصور اسم اﷲ دے،دم نوں قید لگائیں ہو ۔ذاتی نال جے ذاتی رلیا،تد باہو نام صدائیں ہو ۔

۲۰۶

زال-ذاتی نال نہ ذاتی رلیا،سو کم ذات سدیوے ہو ۔نفس کتے نوں بنھ کراہاں،قیمہ قیمہ کچیوے ہو ۔ذات سپھاتوں مہنا آوے،ذاتی شوق نہ پیوے ہو ۔نام فقیر تنھاں دا باہو،قبر جنہاں دی جیوے ہو ۔

۲۰۷

زال-ذکر فکر سبھ ارے اُریرے،جاں جان فدا نہ فانی ہو ۔فدا فانی تنھاں نوں حاصل،جو وسن لامکانی ہو ۔فدا فانی ہن اوہی جنہاں،چکھی عشقَ دی کانی ہو ۔باہو ذکر سڑیندا ہردم،یار نہ ملیا جانی ہو ۔

۲۰۸

زال-ذکر کنوں کر فکر ہمیشہ،ایہہ لفظ تکھا تلواروں ہو ۔کڈھن آہیں جان جلاون،فکر کرن اسراروں ہو ۔فکر دا پھٹیا کوئی نہ جیوے،پٹے مڈھ پہاڑوں ہو ۔حق دا کلمہ آکھیں باہو،ربّ رکھے فکر دی ماروں ہو ۔

۲۰۹

زے-زاہد زہد کماندے تھکے،روضے نپھل نمازاں ہو ۔عاشق غرق ہوئے وچ وحدت،نال محبت رازاں ہو ۔مکھی قید شہد وچ ہوئی،کی اڈسی نال شاہبازاں ہو ۔جنہاں مجلس نال نبی دے باہو،اوہ صاحب ناز نوازاں ہو ۔

۲۱۰

زے-زبانی کلمہ ہر کوئی پڑھدا،دل دا پڑھدا کوئی ہو ۔جنہاں کلمہ دل دا پڑھیا،تنھاں نوں ملدی ڈھوئی ہو ۔دل دا کلمہ اشک پڑھدے،کی جانن یار گلوئی ہو ۔مینوں کلمہ پیر پڑھایا باہو،سدا سوہاگن ہوئی ہو ۔

۲۱۱

زوئے-ظاہر ویکھاں جانی تائیں،نالے اندر سینے ہو ۔برہں ماری نت پھراں میں،ہسن لوک نابینے ہو ۔میں دل وچوں ہے شہہ پایا،جاون لوک مدینے ہو ۔کہے فقیر میراں دا باہو،اندر دلاں خجینے ہو ۔

۲۱۲

ضواد-ضروری نفس کتے نوں،قیمہ قیمہ کچیوے ہو ۔نال محبت ذکر اﷲ دا،دم دم پیا پڑھیوے ہو ۔ذکر کنوں حق حاصل ہندا،زاتو ذات دسیوے ہو ۔دوویں جہان غلام اوہناں دے باہو،جنہاں ذات لبھیوے ہو ۔

کسے لفظ تے کرسر لے جاؤ یا دباؤ تے اوہدے معنی ویکھو۔