Verse 1اول حمد سنا الٰہی جو مالک ہر ہر دا اس دا نام چتارن والا ہر میدان نہ ہردا
Verse 2کام تمام میسر ہندے نام اوہدا چتّ دھریاں رحموں سکے ساوے کردا قہروں ساڑے ہریاں
Verse 3قدرت تھیں جس باغ بنائے جگّ سنسار تمامیرنگ برنگی بوٹے لائے کجھ خاصے کجھ عامی
Verse 4ہکناں دے پھلّ مٹھے کیتے پتّ اوہناں دے کوڑے ہکناں دے پھل کاری آون نفعے پھلاں دے تھوڑے
Verse 5ایس اجائب باغے اندر آدم دا رکھ لایا معرفت دا میوہ دے کے واہ پھلدار بنایا
Verse 6رحمت دا جد پانی لگا تاں ہویا ایہہ ہریا ہر ہر ڈالی نے پھلّ پایا سر دھرتی جد دھریا
Verse 7واہوا خالق سرجنہارا ملکاں جنّ انساناں اربہ عناصر تھیں جس کیتا گوناں گوں حیواناں
Verse 8کناہ اوہدی نوں کوئی نہ پہتا عاقل بالغ داناں در جس دے سر سجدے سٹے لوح قلم اسماناں
Verse 9حکم اوہدے بن ککھّ نہ ہلدا واہ قدرت دا والی جی-جون نگاہ اوہدی وچ ہر پتر ہر ڈالی
Verse 10آپ مکانوں خالی اس تھیں کوئی مکان نہ خالی ہر ویلے ہر چیز محمد رکھدا نت سمبھالی
Verse 11جون ہزار اٹھاراں اس نے دنیاں وچ بنائی صورتَ سیرت تے خاسئیت وکھو وکھری پائی
Verse 12جدا جدا ہر جونے جوگے جگّ تے کیتے کھانے انھے لوہلے ماڑے موٹے ہر نوں نت پچانے
Verse 13جو جو رزق کسے دا کیتو سو لکھیا کدے نہ ٹالے لکھ کروڑ تکے برآئیاں پھر بھی اویں پالے
Verse 14آدم تھیں لے اس دم توڑی لکھ ہوئے مر مٹی صورتَ جدا جدا سبھس دی علم اوہدے وچ مٹی
Verse 15وکھو وکھرے لیکھ سبھس دے لکھ چھڈیوسُ ہک واری جمن مرن نہ گھسن دندا سائت ادھی ساری
Verse 16ہکو فرش زمیں دا سارا ہکو مینہہ تراوت بوٹے رخ زمیں پر جتنے سبھناں وچ تفاوت
Verse 17سے ناڑیں ہک پتر اندر جوڑ کئی وچ جوڑے علم اوہدے وچ ککھّ نہ بھلا سبھ مالم بن لوڑے
Verse 18صنعت دا کجھ انت نہ لبھدا نظر کرو جس جائی دھنّ اوہ قادر سرجنہارا جس سبھ چیز بنائی
Verse 19جے ہکّ مچھر دا پر بھجے توڑے سبھ جگّ لگے ہرگز راس نہ ہندا مڑ کے جیوں کر آہا اگے
Verse 20اتنا کم نہیں کر سکدے دانش مند سیانے حکمت پاک حکیم سچے دی کون کوئی سبھ جانے
Verse 21آپے دانا آپے بینا ہر کم کردا آپے واحد-ہو-لاشریک الٰہی صفتاں نال سننجاپے
Verse 22ربّ جبار قہار سنیندا خوف بھلا اس بابوں ہے ستار غفار ہمیشاں رحم امید جنابوں
Verse 23بادشاہاں تھیں بھیکھ منگاوے تخت بہاوے گھاہی کجھ پرواہ نہیں گھر اس دے دائم بے پرواہی
Verse 24صم-ب-کمم رہن فرشتے کس طاقت دم مارے در اس دے پر آزز ہو کے ڈھہندے بزرگ سارے
Verse 25ہر ڈھٹھے نوں ہتھی دندا بخشنہار خطائیاں دتوسُ سخن زباناں اندر سخناں وچ صفایاں
Verse 26ہر در توں درکارن ہندا جو اس در تھیں مڑیا اسے دا اس شان ودھایا جو اس پاسے اڑیا
Verse 27بادشاہاں دے شاہ اس اگے منہ ملدے وچ خاکاں اؤگنہار کہایا اوتھے سچیاں سافاں پاکاں
Verse 28مغروراں نوں پکڑ نہ کردا اسے وقت شتابی مئزوراں نوں چکے ناہیں کر کے قہر خرابی
Verse 29جے کر خفگی کرے اساں پر تکّ کے کماں بریاں بخشش کر کے مہریں آوے پھیر اوہدے در تریاں
Verse 30ماں پیو دی بے فرمانی جو بیٹا نت کردا فرزندی دا پیار نہ رہندا کہن کویں ایہہ مردا
Verse 31سجن بھین بھرا نہ ہوون راضی جس بھراؤںگھر آئے دا کرن نہ آدر کمبن اوہدیاں واؤں
Verse 32دوست یار کسے دا ہک دن آدر بھاء نہ ہووےپھر اوہ مکھ دکھاندا ناہیں یاری تھیں ہتھ دھووے
Verse 33نفر غلام کسے دا ہووے خدمت اندر ڈھلا خاوند نوں کد چنگا لگدا جھڑکے کر کر گلہ
Verse 34میر وزیر مصاحب شاہ دے حکموں باہر ہوونشاہ کھدیڑے غصہ کر کے ہور بھی نوکر روون
Verse 35واہوا صاحب بخشنہارا تکّ تکّ ایڈ گناہاں عزت رزق نہ کھسے ساڈا دندا پھیر پناہاں
Verse 36دوئے جہان اسماناں زمیاں جو وافر بے اوڑے وچ سمندر علم اوہدے دے ہک قطرے تھیں تھوڑے
Verse 37خانے پاء بہائیؤسُ چونکی ڈاہ زمیں دا پلہ سجن دشمن چنگے مندے دیندا نہ تھرتھلا
Verse 38جے اوہ قہر کماون لگدا کون کوئی جو چھٹدا رحمت اس دی جگ وسائے ہر ہکّ نئمت لٹدا
Verse 39بندگی دی پرواہ نہ اس نوں گھاٹا نہیں گناہوں زہد عبادت تانہی ہندے جاں گھلے درگاہوں
Verse 40سدا سلامت راج اسے دا اس در سبھ سلامی آدم جنّ ملائک ہر شے جیا جون تمامی
Verse 41مان کریندیاں مان تروڑے مسکیناں دا ساتھی کوہ قافاں وچ روزی دیندا سیمرغاں نوں ہاتھی
Verse 42لطفَ کریندا کرم کنندا ہر دے کام سنوارے سبھ خلقت دا راکھا اوہو بھیت پچھانے سارے
Verse 43سبھ وڈیائی اس نوں لایق بے پرواہ ہمیشہ ہکناں تاج سعادت دیندا ہکناں بد اندیشہ
Verse 44عیب میرے پر پلہ دیندا ہنر کریندا ظاہر جدوں کرم دا واڑا کردا کوئی نہ رہندا باہر
Verse 45ہر آزز پر رحمت کردا کرے قبول دوائیں بن منگے لکھ دان دوائے محرم دل دا سائیں
Verse 46ہر کوئی محتاج اسے دا منگنہارا در دا ہرگز کیتی اس دی اتے انگل کوئی نہ دھردا
Verse 47دائم نیکوکاری کردا نیکی اس نوں بھاوے بدیاں بھی پھر بخش گزردا جاں رحمت پر آوے
Verse 48سورج تارے اٹھ قطارے مشرک مغرب جاندے خاک زمیں دی ثابت رکھدا پانی دے دھریاں تے
Verse 49دھرتی بوند ڈلاندی آہی ادھر ادھر ہو کے حکمت نال لگائیوسُ محکم کوہ قافاں دے کوکے
Verse 50قطرے ہکّ منی دے تائیں کی کجھ جوبن دیندا پانی اتے صورتَ لکھے حکمت عجب کریندا
Verse 51اس صورتَ وچ سیرت پاوے اہل بصیرت تکدے انھے لوک ستمگر بھاری قدر پچھان نہ سکدے
Verse 52وٹے دے وچ لعل ٹکاندا جانن قیمت پاندے ساوی شاخوں ویکھ نکالے گل پھل رنگ رنگاں دے
Verse 53سپاں اندر موتی کردا رکھ کے قطرہ پانی شکماں وچوں باہر آنے صورتَ بیبی رانی
Verse 54اگا پچھا اس نوں مالم نہ چھپیا حق ذرہ دانا بینا کشف کلوبی ہیی قیوم مکررا
Verse 55کناں باجھوں سننے والا تکدا ہے بن نیناں باجھ زبان کلام کریندا نہ اس بھائی بھیناں
Verse 56غالب امر مبارک اس دے نہ ہویاں نوں کیتا ہویاں نوں نابود کریسی آپ ہمیشہ جیتا
Verse 57خاک ہویاں نوں دوجی واری مڑ کے زندہ کرسی وچ میدان قیامت والے ہر کوئی لیکھا بھر سی
Verse 58سبھ جہان کوکیندا ایہو ہے تحقیق الٰہی لیکن کنھا مبارک اس دی کسے نہ لدھی آہی
Verse 59صفت اوہدی نوں فہم نہ پہتا زاتے وہم نہ پانڈھےاس ڈھابے کئی بیڑے ڈبے تختہ ہویا نہ بانڈھے
Verse 60اس میدان نہ چلے گھوڑا شینہ حیرت دا گجے خاص پہلے لا-اہشی کہہ کے اس دوڑوں سن رجے
Verse 61ہر جائے نہیں چلدی بھائی جبھے دی چترائی کنّ ڈورے جبھّ گونگی ہندی جاں ایہی جاگاہ آئی
Verse 62اس مجلس دا محرم ہو کے پھیر نہ مڑدا کوئی جو ایہہ مست پیالہ پیندا ہوش کھڑھاندا سوئی
Verse 63اس خونی دریاؤں ڈردے عقل فکر دے سائیں کس دی بیڑی باہر آئی پہنچ اجیہی جائیں
Verse 64جیکر تینوں طلب محمد اس رستے ٹر اڑیا مڑ آؤن دی رکھ نہیں ایتھوں کوئی نہ پھر مڑیا
Verse 65نال ریاضت کریں صفائی سان فکر دی گھسّ توں متّ خوشبو عشقَ دی کرسی طالب عہد الستوں
Verse 66پیر طلب دے کھڑسن اوتھے اڈیں جس دے بالوں اگوں پکڑ یقین لنگھاسی پڑدے پاڑ خیالوں
Verse 67ایہہ دریا مہانے باجھوں لنگھن مول نہ ہوندا رڑھ مردا یا ڈبدا جہڑا آپ ہکلا پاؤندا
Verse 68جنہاں ملاہ منایا ناہیں بیڑے چڑھے نہ اس دے راہوں پرط پئے وچ باراں مفت نکرمے مسدے
Verse 69رستہ چھوڑ نبی دا ٹریاں کوئی نہ منزل پگدا جے لکھ محنت ایویں کریئے کلر قول نہ اگدا
Verse 70رستے صاف نبی دے پچھے ہور نہ جانو کوئی اوہو کرے شفاعت ساڈی تاہیں ملسی ڈھوئی
Point at or tap a word to see its meaning. With a keyboard, Tab reaches the words and the arrow keys move between them.