بارانماہ بلھے شاہ
Baran Maah (Bulleh Shah)
اسودوہرا-اسو لکھوں سندیسوا واچے میرا پی ۔گمن کیاں تم کاہے کو جو کلمل آیا جی ۔
اسو اساں تساڈی آس، ساڈی جند تساڈے پاس،جگر مڈھ پریم دی لاش، دکھاں ہڈّ سکائے ماس،سولاں ساڑیاں ۔
سولاں ساڑی رہی بےحال، مٹھی تدوں نہ گئیاں نال،الٹی پریم نگر دی چال، بلھا شہہ دی کرساں بھال،پیارے ماریاں ۔
کتکدوہرا-کہو کتک کیسی جو بنیو کٹھن سو بھوگ ۔سیس کپر ہتھ جوڑ کے مانگے بھیکھ سنجوگ ۔
کتک گیا تمبن کتن، لگی چاٹ تاں ہوئیا اتن،در در لگی دھماں گھتن، اوکھی گھاٹ پچائے پتن،شامے واسطے ۔ہن میں موئی بے دردا لوکا، کوئی دیؤ اچی چڑھ کے ہوکا،میرا ان سنگ نیہں چروکا، بلھا شہہ بن جیون اوکھا،جاندا پاس تے ۔
مگھردوہرا-مگھر میں کر رہیاں سودھ کے سبھ اچے نیچے ویکھ ۔پڑھ پنڈت پوتھی بھال رہے ہرِ ہرِ سے رہے الیکھ ۔
مگھر میں گھر کدھر جاندا، راکش نیہں ہڈاں نوں کھاندا،سڑ سڑ جی پیا کرلاندا، آوے لال کسے دا آندا،باندی ہو رہاں ۔
جو کوئی سانوں یار ملاوے، سوزے-المے تھیں سرد کراوے،چکھا توں بیٹھی ستی اٹھاوے، بلھا شوہ بن نیند نہ آوے،بھاویں سو رہاں ۔
پوہدوہرا-پوہ ہن پچھوں جا کے تم نیارے رہو کیوں میت ۔کس موہن من موہ لیا جو پتھر کینو چیت ۔
پانی پوہ پون بھٹھّ پئیاں، لدے ہوت تاں اگھڑ گئیاں،نہ سنگ ماپے سجن سئیاں، پیارے عشقَ چواتی لئیاں،دکھاں رولیاں ۔
کڑ کڑ کپن کڑک ڈرائے، ماروتھل وچ بیڑے پائے،جیوندی موئی نی میری مائی، بلھا شوہ کیوں اجے نہ آئے،ہنجھو ڈوہلیاں ۔
ماگھدوہرا-ماگھی نہاون میں چلی جو تیرتھ کر سمیان ۔گجّ گجّ برسے میگھلا میں رو رو کراں اشنان ۔
ماگھ مہینے گئے الانگھ، نویں محبت بہتی تانگھ،عشقَ موذن دتی بانگ، پڑھاں نماز پیا دی تانگھ،دوائیں کی کراں ۔
آکھاں پیارے میں ولّ آ، تیرے مکھ ویکھن دا چاء،بھاویں ہور تتی نوں تاء، بلھا شوہ نوں آن ملا،تیری ہو رہاں ۔
پھگندوہرا-پھگن پھلے کھیت جیوں بن تن پھول سنگار ۔ہر ڈالی پھلّ پتیاں گل پھولن دے ہار ۔
ہوری کھیلن سئیاں پھگن، میرے نین جھلاریں وگن،اوکھے جیوندیاں دے دن تگن، سینے بان پریم دے لگن،ہوری ہو رہی ۔
جو کجھ روز اضل تھیں ہوئی، لکھی قلم نہ میٹے کوئی،دکھاں سولاں دتی ڈھوئی، بلھا شوہ نوں آکھو کوئی،جس نوں رو رہی ۔
چیتدوہرا-چیت چمن وچ کوئلاں نت کوُ کوُ کرن پکار ۔میں سن سن جھر جھر مر رہی کب گھر آوے یار ۔
ہن کی کراں جو آیا چیت، بن تن پھول رہے سبھ کھیت،دیندے اپنا انت نہ بھیت، ساڈی ہار تساڈی جیت،ہن میں ہاریاں ۔
ہن میں ہاریا اپنا آپ، تساڈا عشقَ اساڈا کھاپ،تیرے نیہں دا شکیا تاپ، بلھا شوہ کی لایا پاپ،کارے ہاریاں ۔
ویساکھدوہرا-بساکھی دا دن کٹھن ہے جو سنگ میت نہ ہو ۔میں کس کو آگے جا کہوں اک منڈی بھا دو ۔
تاں من بھاونے سکھ بساکھ، گچھیاں پئیاں پکی داخ،لاکھی گھر لے آیا لاکھ، تاں میں بات نہ سکاں آکھ،کوتاں والیاں ۔
کوتاں والیاں ڈاڈھا زور، ہن میں جھر جھر ہوئیاں ہور،کنڈے پڑے کلیجے زور، بلھا شوہ بن کوئی نہ ہور،جن گھتّ گالیاں ۔
جیٹھدوہرا-جیٹھ جیہی جوہے اگن ہے جب کے بچھڑے میت ۔سن سن گھن گھن جھر مروں جو تمری یہ پریت ۔
لوآں دھپاں پوندیاں جیٹھ، مجلس بہندی باغاں ہیٹھ،تتی ٹھنڈی وگے پیٹھ، دفتر کڈھ پرانے سیٹھ،مہرا کھانیاں ۔
اج کل سدّ ہوئی البتہ، ہن میں آہ کلیجہ تتا،نہ گھر کونت نہ دانہ بھتا، بلھا شوہ ہوراں سنگ رتا،سینے کانیاں ۔
ہاڑدوہرا-ہاڑ سوہے موہے جھٹ پٹے جو لگی پریم کی آگ ۔جس لاگے تس جل بجھے جو بھور جلاوے بھاگ ۔
ہن کی کراں جو آیا ہاڑھ، تن وچ عشقَ تپایا بھاڑ،تیرے عشقَ نے دتا ساڑ، روون اکھیاں کرن پکار،تیرے ہاوڑے ۔
ہاڑے گھتاں شامی اگے، قاصد لے کے پاتر وگے،کالے گئے تے آئے بگے، بلھا شوہ بن ذرا نہ تگے،شامی باہوڑے ۔
ساوندوہرا-ساون سوہے میگھلا گھٹ سوہے کرتار ۔ٹھور ٹھور عنایت بسے پپیہا کرے پکار ۔
سوہن ملہارا سارے ساون، دوتی دکھ لگے اٹھ جاون،نینگرا کھیڈن کڑیاں گاون، میں گھر رنگ رنگیلے آون،آساں پنیاں ۔
میریاں آساں ربّ پچائیاں، میں تاں ان سنگ اکھیاں لائیاں،سئیاں دین مبارک آئیاں، شاہ عنایت آکھاں سائیاں،آساں پنیاں ۔
بھادوںدوہرا-بھادوں بھاوے تب سخی جو پل پل ہووے ملاپ ۔جو گھٹ دیکھوں کھولھ کے گھٹ گھٹ دے وچ آپ ۔
آ ہن بھادوں بھاگ جگایا، صاحب قدرت سیتی آیا،ہر ہر دے وچ آپ سمایا، شاہ عنایت آپ لکھایا،تاں میں لکھیا ۔
آخر عمرے ہوئی تسلا، پل پل منگن نین تجلا،جو کجھ ہوسی کرسی اﷲ، بلھا شوہ بن کجھ نہ بھلا،پریم رس چکھیا ۔
Point at or tap a word to see its meaning. With a keyboard, Tab reaches the words and the arrow keys move between them.
Editorial gloss, not yet reviewed.